Marriage Anniversary Wishes In Marathi

लग्न वर्धापनदिनाचे शुभेच्छा संदेश

लग्न वर्धापनदिनाचे शुभेच्छा संदेश

वाढदिवस मग तो एखाद्या व्यक्तीचा असो वा लग्नाचा असो. नेहमीच खास असतो नाही का? त्यातही लग्नाचा वाढदिवस किंवा सहज बोलीभाषेत मॅरीज अॅनिव्हर्सरी हा एक उत्तम दिवस आहे एखाद्या जोडप्याचे प्रेम साजरे करण्याचा. साधारण सगळ्या संस्कृतीमध्ये, लग्नाचा वाढदिवस दिवस छान पध्दतीने साजरा ही केला जातो. नवरा-बायको हा दिवस अविस्मरणीय व्हावा म्हणून एकमेकांना अनेक भेटी देतात. ह्या भेटी ज्या त्यांच्या प्रेमाचं, नात्याचं आणि आनंदाचं प्रतीक असतात. तसंच या दिवसाला चारचांद लावतात त्या जोडप्याला सगळ्यांकडून मिळणाऱ्या भरघोस शुभेच्छा. लग्नाचा वाढदिवसाचं महत्त्व, लग्नवाढदिवसाला द्यायचे हटके गिफ्ट्स आणि लग्न शुभेच्छा संदेश या दोन्ही गोष्टींबाबत आम्ही तुम्हाला या लेखात सांगणार आहोत.


लग्नदिवसाचं आयुष्यातील महत्त्व 
लग्न वाढदिवसानिमित्त मिळालेल्या शुभेच्छा 
आईबाबांना लग्नवर्धापनदिनाच्या शुभेच्छा
पत्नीला लग्नाच्या वाढदिवसाच्या शुभेच्छा 
पतीला लग्नाच्या वाढदिवसाच्या शुभेच्छा
लग्नदिवसासाठी काही हलकेफुलके संदेश 
लग्नाच्या वाढदिवसानिमित्त खास स्टेटस 
लग्न वर्धापनदिनानिमित्त खास कोट्स
लग्नाच्या वाढदिवशी द्या या शुभेच्छा
लग्नाच्या 25 व्या वाढदिवसाला द्या खास शुभेच्छा
लग्नाच्या वाढदिवसाबद्दलच्या हटके गोष्टी तुम्हाला माहीत आहेत का?
लग्नवाढदिवसाला प्रत्येक वर्षी देता येतील हटके गिफ्ट्स 


लग्नदिवसाचं आयुष्यातील महत्त्व (Importance of Wedding)


शादी का लड्डू जो खाये वो पछताये और ना खाये वो भी पछताये. लग्न ही एक अशी गोष्ट आहे जी प्रत्येकाच्या आयुष्यातील एका टप्प्यावर होतेच. लग्न हा प्रत्येक जोडप्याच्या आयुष्यातील महत्त्वाचा क्षण असतो. ज्या दिवशी दोन जीव लग्नगाठीत प्रेमाने, त्यांच्या आईवडील, आप्तजन, मित्रपरिवार यांच्या संमतीने आणि साक्षीने बांधले जातात. हा दिवस सर्वांसाठी आनंदाचा असतो. तो सोहळ्याचा दिवस ज्याची ते जोडपं आणि त्यांचे आईवडील कित्येक दिवस वाट बघत असतात. ह्या दिवसाची प्रत्येकाने स्वप्नं पाहिलेली असतात. पण लग्न हे केवळ दोन जीवांचं नाहीतर दोन कुटुंबांचं मिलन असतं. सुरूवात असते एका नव्या सहजीवनाची. लग्न आधीचे आणि लग्न ठरल्यानंतरचे दिवस अगदी भूर्रकन उडून जातात. एकमेंकांच्या कोैतुकात, लग्न सोहळ्याच्या खरेदीत, नातेवाईकांना भेटण्यात, बॅचलरेट किंवा बॅचलर पार्टीत, लग्नाच्या तयारीत, आमंत्रणांमध्ये आणि ही लिस्ट न संपणारी. पण खरी परीक्षा सुरू होते ती लग्नानंतर. हनिमूनच्या गोड दिवसांनी भारून गेलेले जोडपे घरी परतते आणि सुरू होते खऱ्या अर्थाने सहजीवनाची सुरूवात. जशी वर्ष पुढे सरकतात तशी सहजीवनातील गंम्मत ही वाढत जाते. सहजीवन हे फक्त दोघांचा न राहता जेव्हा कुटुंबातील प्रत्येकाशी आपोआप जुळतं. तेव्हा ते नातं खऱ्या अर्थाने नावारूपाला येतं.लग्नाची पहिली काही वर्ष अगदी नकळत सरुन जातात. मुख्यतः एकमेंकाना समजण्यात… हो मग ते अरेंज मॅरेज असो वा लव्ह मॅरेज. लग्नाआधी आणि लग्नानंतर त्या दोघांच्या नात्यात बराच चांगला वाईट फरक पडत असतो. हा फरक बाजूला ठेवून एकमेकांना समजून घेत सहजीवन सूरू असतं. पाहूया मराठीतून लग्न वर्धापनदिवशी दिलेल्या शुभेच्छा.  


लग्नाच्या वाढदिवसाबद्दलच्या हटके गोष्टी तुम्हाला माहीत आहेत का? 


Anniversary-mid-pic


विविध देशांतील लग्न प्रथांप्रमाणे प्रत्येक लग्नवर्षाला वेगवेगळे रंग सांगण्यात आले आहेत.  ह्या विविध रंगांसोबत तुम्ही तुमचा लग्नवाढदिवस साजरा करू शकता. जसा पहिल्या लग्नवाढदिवसासाठी सोनेरी किंवा पिवळा रंग सांगण्यात आला आहे. मस्तपैकी एकमेकांना सारखे टीशर्ट घ्या किंवा मग्ज घ्या आणि रंग सार्धम्य साधा.


पाहूया विविध लग्न वर्धापनदिनासाठी सांगण्यात आलेले रंग....


1 ल्या वर्षी जसं आपण आधीच वाचलं असेल पिवळा किंवा सोनेरी


2 ऱ्या वर्षी लाल


3 ऱ्या वर्षी पांढरा किंवा हिरवा


4 थ्या वर्षी निळा


5 व्या वर्षी गुलाबी किंवा आकाशी निळा


10 व्या वर्षी चंदेरी किंवा निळा


15 व्या वर्षी रूबी रेड


20 व्या वर्षी एमराल्ड हिरवा किंवा पांढरा


25 व्या वर्षी चंदेरी


50 व्या वर्षी पुन्हा सोनेरी


तर वरील रंगसंगती आपल्या लग्नवाढदिवशी वापरून पहा. ह्या रंगाचा केक किंवा ड्रेस घाला, सजावट करा. सगळ्यांना ही कल्पना ही आवडेल खासकरून तुमच्या खास व्यक्तीला आणि तुमच्या खास दिवसाला चारचांद लावेल.


लग्न वाढदिवसानिमित्त जोडप्याला इतरांकडून मिळालेल्या शुभेच्छा (Wedding Anniversary Wishes For Couples) - 


maharashtrian-wedding


आपल्यापैकी प्रत्येकाचं एक ना एक तरी आवडतं जोडपं असतंच. त्यांचा लग्नाच्या वाढदिवस हा त्यांच्याप्रमाणेच आपल्यासाठीही खास असतोच. अशावेळी त्यांना लग्न वाढदिवसाच्या निमित्ताने द्या खालील शुभेच्छा.  


  • तुमची जोडी राहो अशी सदा कायम जीवनात असो भरपूर प्रेम कायम, प्रत्येक दिवस असावा खास लग्नवाढदिवसाच्या खूप खूप शुभेच्छा 


  • जीवनाची बाग राहो सदैव हिरवीगार जीवनात आनंदाला येऊ दे उधाण, तुमची जोडी अशीच राहो पुढची शंभर वर्ष हीच आहे सदिच्छा वारंवार 


  • देव करो असाच येत राहो तुमच्या लग्नाचा वाढदिवस, तुमच्या नात्याने स्पर्श करावे नवे आकाश, असंच सुंगिधत राहावं हे आयुष्य जसा प्रत्येक दिवस असो सण खास 


  • सात सप्तपदींनी बांधलेलं हे प्रेमाचं बंधन, जन्मभर राहो असंच कायम, कोणाचीही लागो ना त्याला नजर, दरवर्षी अशीच येवो ही लग्नदिवसाची घडी कायम 


  • जशी बागेत दिसतात फूल छान तशीच दिसते तुमची जोडी छान लग्नाच्या वाढदिवसाच्या खूप खूप शुभेच्छा 


  • नाती जन्मोजन्मीची परमेश्वराने जोडलेली, दोन जीवांची प्रेम भरल्या रेशीम गाठीत अलगद बांधलेली… लग्नाच्या वाढदिवसाच्या हार्दिक शुभेच्छा


  • दोघांचे तुमच्या एक स्वप्न प्रत्यक्षात आले..आज वर्षपूर्तींनंतर आठवतांना मन आनंदाने भरले..लग्न वर्धापनदिनाच्या हार्दिक शुभेच्छा.


  • सुख दु:खात मजबूत राहीले आपले नाते एकमेकांबद्दल आपुलकी आणि ममता, नेहमी अशीच वाढत राहो संसाराची गोडी वाढत राहो, लग्नाचा आज वाढदिवस आपल्या सुखाचा आणि आनंदाचा जावो.

  • आयुष्यातील अतूट आणि अनमोल क्षण, लग्नवाढदिवसाच्या खूप खूप शुभेच्छा

  • तुम्ही दोघं एकमेकांबरोबर खूप छान दिसता  Made for each other तुम्हाला दोघांना खूप प्रेम आणि आनंद मिळो हॅपी वेडिंग अॅनिव्हर्सरी


वाचा - सेवानिवृत्त होणाऱ्या परिजनांना पाठवा सेवानिवृत्ती शुभेच्छा


आईबाबांना लग्नवर्धापनदिनाच्या शुभेच्छा (Anniversary Wishes For Parents)


लग्नाचं नातं अजून पुढच्या पायरीवर नेणारी गोष्ट म्हणजे मुल जन्मणं. मुलांनी आपल्या आईवडिलांना लग्नाच्या वाढदिवसाला दिलेल्या या काही मनाला स्पर्श करणाऱ्या शुभेच्छा.


 


  • मिनिट असतं सेकंदाच आणि तास असतो मिनिटांचा आम्ही माणसं.... माणसं बनतो ती नात्यांनी, आज मी माझ्या आई-बाबांना लग्नाच्या वाढदिवसाच्या शुभेच्छा देऊ इच्छितो. कारण त्यांनी ना फक्त इतके वर्ष त्यांचं नातं जपलं तर माझ्यासारख्या मुलालाही चांगले संस्कार देऊन मोठं केलं. तुम्हाला तुमच्या लग्नाच्या वाढदिवशी काय भेट देऊ मराठीत प्रेम, हिंदीत प्यार आणि इंग्रजीत लव.

  • तुमच्या प्रेमाला अजून पालवी फुटो तुम्हाला भरभरून यश मिळो, लग्नाच्या वाढदिवसाच्या मनापासून हार्दिक शुभेच्छा !!Wishing You a very Happy Wedding Anniversary !!

  • प्रत्येक समस्येवर उत्तर आहात तुम्ही, प्रत्येक ऋतूतील बहर आहात तुम्ही, आम्हा मुलांच्या जीवनाचं सार आहात तुम्ही, लग्नाच्या वाढदिवसाच्या खूप खूप शुभेच्छा आईबाबा. 

  • पृथ्वीवर देवाची ओळख आहेत आईबाबा. त्यांची सोबत नसेल तर सुखांची ओळख कुणी करून दिली असती आम्हाला. हॅपी एनिव्हर्सरी मम्मी-पप्पा.  

  • आम्ही मुलांनी तुम्हाला एकत्र पाहिलं आहे. तुमचं प्रेम, तुमचा विश्वास पाहिला आहे. आयुष्यात बरंच काही तुमच्याकडूनच शिकलो आहे. तुमची साथ अशीच वर्षानुंवर्ष कायम राहो. लग्नवर्धापनदिनाच्या खूप खूप शुभेच्छा आईबाबा.  

  • दिव्याप्रमाणे तुमच्या आयुष्यात कायम प्रकाश राहो. माझी प्रार्थना तुमची जोडी कायम राहो. लग्नाच्या वाढदिवसाच्या खूप खूप शुभेच्छा. 

  • समुद्रापेक्षाही अथांग आहे तुम्हा दोघांचं प्रेम...एकमेकांची ओळख आहे तुमचा विश्वास, हॅपी अॅनिव्हर्सरी आईबाबा. 

  • ना कधी हास्य गायब होवो तुमच्या चेहऱ्यावरून, तुमची प्रत्येक इच्छा होवो पूर्ण होवो, कधीही रागवू नका एकमेकांवर लग्नाच्या वाढदिवसाच्या खूप खूप शुभेच्छा. 

  • तुमच्या आयुष्यात होवो प्रेमाची बरसात, देवाचा आशिष राहो तुमच्यावर सदैव, दोघांच्या प्रेमाची गाडी अशीच राहो चालत, दरवर्षी असाच करा साजरा प्रेमाचा हा उत्सव. 

  • सप्तपदीमध्ये बांधलेलं आहे प्रेमाचं बंधन, जन्मभर असचं प्रेमाने बांधलेलं राहो तुमचं नंदनवन, कोणाची न लागो त्याला नजर, आम्ही सोबत असूच साजरं करायला हजर. 


पत्नीला पतीकडून लग्नाच्या वाढदिवसाच्या शुभेच्छा (Wedding Anniversary Wishes to Wife from Husband In Marathi)


Anniversary-pic-4


पती जरी आपल्या लग्नाचा वाढदिवस कधी तरी विसरत असेल पण जेव्हा त्याच्याकडून शुभेच्छा मिळतात तेव्हा त्या खास तर असणारच. 


  • न कोणताही क्षण सकाळचा, ना संध्याकाळचा प्रत्येक क्षण आहे फक्त तुझ्या नावाचा यालाच समजून घे माझी शायरी


        माझ्याकडून हाच आहे संदेश प्रेमाचा हॅपी अॅनिव्हर्सरी बायको 


  • आयुष्याच्या प्रवासात तू नेहमी राहा सोबत प्रत्येक क्षण असो आनंदाने भरपूर नेहमी हसत राहा येवो कोणताही क्षण


        कारण आनंदच घेऊन येईल येणारा क्षण हॅपी अॅनिव्हर्सरी बायको 


  • ना कोणता क्षण सकाळ ना कोणता क्षण संध्याकाळ आहे माझा प्रत्येक क्षण तुझ्या नावे आहे ह्याला फक्त शायरी समजू नकोस माझ्याकडून तुला हा प्रेमाचा पेैगाम आहे. उदास नको होऊस मी तुझ्यासोबत आहे नजरेपासून दूर पण हृदयाजवळ आहे डोळे मिटून माझी मनापासून आठवण काढ तू माझ्यासाठी नेहमीच एक खास आहे.

  • माझ्याशी लग्न केल्याबद्दल धन्यवाद आणि मला एक संधी दिल्याबद्दल, मला हवं तसं जगू देण्याची आणि मला खात्री आहे की, भविष्यातही हे असंच असेल चल तर मग साजरा करूया आपल्या लग्नाचा वाढदिवस

  • मला आजही लक्षात आहे ज्या दिवशी आपण पहिल्यांदा भेटलो होतो लग्नदिवसाच्या हार्दिक शुभेच्छा

  • तुमच्या लग्न वाढदिवशी मी देवाला प्रार्थन करते की, तुम्हा दोघांना जगातील सर्व सुख, हसू, प्रेम, आनंद आणि एकमेकांचा सहवास जन्मोजन्म मिळो.

  • तो खास दिवस आज पुन्हा आला आहे, ज्या दिवशी आपल्या प्रेमाचे सुंदर नात्यात रुपांतर झाले आणि आजही त्या सर्व आठवणी तितक्याच ताज्या आहेत. तू माझ्यासाठी खूपच खास आहेस लग्नवाढदिवसाच्या खूप खूप शुभेच्छा.

  • तुझ्या नावाने अनेकांनी तुला हाक मारली असेल, पण तुझ्या नावासाठी जगणारा एकच आहे, हॅपी अॅनिव्हर्सरी.

  • प्रेम म्हणजे फक्त कॅंडललाइट आणि गुलाब नाहीत. प्रेम म्हणजे रोजचं जगणं एकमेकांशी बोलणं एकमेकांना वेळ देणंनखुल्या मनाने एकमेकांना स्वीकारणं प्रेम म्हणजे आयुष्यातील खास गोष्टी एकमेकांना सांगणं हेच प्रेम हेच प्रेम हेच प्रेम लग्नवाढदिवसाच्या खूप खूप शुभेच्छा…


पतीला लग्नाच्या वाढदिवसाच्या शुभेच्छा (Anniversary wishes for husband in marathi)


प्रिय पत्नी जी आपलं घर सोडून नवऱ्यासाठी सासरी येते. तिच्यासाठी या नात्याला सुरूवात झालेला लग्नाचा दिवस हा अविस्मरणीय असतो. तुम्हीही द्या आपल्या पतीला लग्नाच्या वाढदिवसाच्या खास शुभेच्छा. 


  • आयुष्यात फक्त एकच इच्छा आहे आपल्या दोघांची साथ कायम राहो. आयुष्यातील संकटाशी लढताना आपली साथ कधीही न संपो हीच सदिच्छा आहे. लग्नाच्या वाढदिवसाच्या खूप खूप शुभेच्छा. 

  • दिवा आणि वातीसारखं आपलं नातं आहे, हे नातं असंच राहावं ही इच्छा आहे. हॅपी अॅनिव्हर्सरी. 

  • हे बंध रेशमाचे एका नात्यात गुंफलेले, लग्न, संसार आणि जबाबदारीने फुललेले, आनंदाने नांदो संसार आपला, लग्नाच्या वाढदिवसाच्या हार्दिक शुभेच्छा…

  • एकमेकांबरोबर घालवलेल्या सर्वोत्तम वर्षांसाठी धन्यवाद पुढे येणाऱ्या चांगल्या वर्षांसाठी शुभेच्छा

  • इतक्या वर्षानंतरही... आजही माझ्या आयुष्यातील सर्वात सुंदर स्त्री तूच आहेस. हॅपी अॅनिव्हर्सरी

  •  तू माझ्यासाठी सर्वस्व आहेस आज आणि नेहमीच लग्नवाढदिवसाच्या हार्दिक शुभेच्छा

  • लग्नवाढदिवस साजरा होणं क्षणभंगुर आहे पण आपलं लग्नाचं नात जन्मोजन्मीचं आहे. हॅपी अॅनिव्हर्सरी

  • I Love You हे फक्त तीन शब्द आहेत जे आपल्या लग्नवाढदिवसाएवढेच महत्वाचे आहेत जोपर्यंत माझ्या हृदयात प्रेम आहे तोपर्यंत माझ्या हृदयात तू आहेस. हॅपी अॅनिव्हर्सरी

  • कसे गेले वर्ष कळलंच नाही. लोक म्हणतात लग्नानंतर माणसं बदलतात. हे तुझ्या बाबतीत लागू पडलेच नाही. लग्न वाढदिवसाच्या शुभेच्छा.

  • पुष्पवर्षावात आणि शहनाईच्या सुरात,आजच्या सुदिनी जुळून आल्या रेशीमगाठी, जीवनाच्या एका नाजूक वळणावरती, झाल्या त्या भेटीगाठी, सहवासातील गोड-कडू आठवणी, एकमेकांवरील विश्वासाची सावली, आयुष्यभर राहतील सोबती, लग्नाच्या वाढदिवसाच्या रुपात आपल्यासाठी

  • आला तो सुदिन पुनः एकदा, ज्या दिवशी घेतल्या शपथा, तुझे या जीवनात एक वेगळे स्थान, कारण तुझा सहवास भागवतो प्रेमाची तहान, तुला आपल्या शुभ बंधनाच्या मनापासून शुभेच्छा. 


लग्नदिवसासाठी काही हलकेफुलके संदेश (Marriage Anniversary Messages) 


maharshtrian-couple


मित्रमैत्रिणींबरोबर गप्पा मारताना अनेकदा तुम्ही अनेकदा लग्नविषयावरील अनेक विनोद ऐकलेही असतीलच ना. तशाच या काही मजेशीरपणे दिलेल्या शुभेच्छा. बुरा ना मानो बस एन्जॉय करो.


  • बायको - आज आपल्या लग्नाचा वाढदिवस आहे आज मी चिकन बनवते, नवरा - चालेल. पण आपल्या चुकीची शिक्षा चिकनला का देत्येस?

  • ईश्वराचे आभार माझ्या गोडव्याने, तुम्हाला मधुमेह झाला नाही, आपल्या नात्यातील गोडवा असाच वाढत राहो, लग्नवाढदिवसाच्या हार्दिक शुभेच्छा

  • मी इतकी आनंदी आहे की, जन्मभर सतवण्यासाठी मला हक्काचा साथीदार मिळाला. हॅप्पी अॅनिव्हर्सरी

  • लग्न म्हणजे एखाद्या युध्दभूमीसारखे असते. जिथे तुम्हाला युध्दासाठी सतत राहावे लागते. लग्नवाढदिवसाच्या हार्दिक शुभेच्छा.

  • तुमच्या दोघांची जोडीही देवाची देणगी आहे. ती प्रेमाने आणि समर्पणाने तुम्ही जपली आहे. कधी ना कमी होवो तुमच्यातील प्रेमाचा हा बहर, लग्नाच्या वाढदिवसाच्या शुभेच्छा तुम्हाला पाठवत आहे ट्रकभर.

  • लग्नाचे दोन महत्वाचे नियम - बायको नेहमी बरोबरच असते. जेव्हा तुम्हाला वाटेल की ती चुकीची आहे तेव्हा स्वःताला मारा आणि पुन्हा पहिला नियम वाचा.

  • तुझ्या ब्रम्हचर्याला या दिवशीच लागला होता फुलस्टॉप. लग्न वाढदिवसाच्या खूप खूप शुभेच्छा तुला मित्रा माझ्या खूप खास. 

  • तुमच्या लग्नाच्या वाढदिवशी हीच आहे इच्छा, पेट्रोलच्या वाढत्या दराप्रमाणे तुमच्या प्रेमाचा आलेखही उंचावत राहो मित्रा. 

  • लग्नाच्या प्रेमाची गाडी चालते चार पायांवर, दुचाकीची चारचाकी होणाच्या या दिवसाच्या तुला खूप शुभेच्छा माझ्या मित्रा.

  • मैत्रिणी तुझ्या नवऱ्याची मीच आहे साली खास, लग्नाच्या वाढदिवसाच्या तुला आणि जीजूंना शुभेच्छा एकदम खासमखास.

  • सप्तपदी चालताना दिलीस मला साथ तशीच साथ आता महागाईच्या काळातही देशील ना राणी. कारण मी तुझा राजा आणि तूच माझी राणी.  


लग्नाच्या वाढदिवसाच्या निमित्ताने ठेवा हे खास स्टेटस (Marriage anniversary status) 


तुमच्या जवळच्या जोडप्याच्या खास दिवशी तुम्हीही सोशल मीडियावर ठेवा हे स्टेटस. 


  • तुम्ही दोघं आहात आमच्यासाठी प्रिय. जे आनंदात रंग भरतात. तुमची जोडी आहे मेड फॉर इच अदर. हॅपी अॅनिव्हर्सरी माय ब्रदर. 

  • ईश्वर करो अशीच येत राहो तुमची अॅनिव्हर्सरी. तुमचं नातं गाठो आकाशाची उंची, येणारं आयुष्य असो सुखमय, घरात राहो आनंदाचा वास, सुंगधित होवो येणारा प्रत्येक क्षण खास. लग्नवाढदिवसाच्या खूप खूप शुभेच्छा. 

  • चांगल्या लोकांचे चांगले क्षण, चांगल्या लोकांचा चांगला सहवास, तुम्हा दोघांना मनापासून लग्नवर्धापनदिनाच्या शुभेच्छा खास. 

  • लग्नाच्या वाढदिवसाच्या खूप खूप शुभेच्छा. प्रेम आणि विश्वासाची ही आहे कमाई, देव करो तुम्ही राहावं सदा खूष. लग्न वाढदिवस हा साजरा होवो खूप खूप. 

  • आज या दिवसाच्या वर्षपूर्तीच्या निमित्ताने ही प्रार्थना करतो की, तुमची सर्व स्वप्नं पूर्ण व्हावी. लग्नाच्या वर्षपूर्तीच्या हार्दिक शुभेच्छा. 

  • साथीदार जेव्हा सोबत असतो तेव्हा प्रवास छानच होतो. तुमच्या प्रवासाच्या सुरूवातीचा साक्षीदार असलेला हा दिवस असाच अविस्मरणीय राहो. आनंदाचा हा क्षण वारंवार तुम्हाला जगता येवो. हॅपी अॅनिव्हर्सरी स्वीट कपल. 

  • अतूट नातं हे लग्नाचं.. दोन जीवांना प्रेमाच्या बंधनात बांधणारं.. हीच आहे माझी शुभेच्छा लग्नाच्या वाढदिवसाच्या शुभ घडीला सदा कायम राहो सहवास तुमचा.  

  • प्रत्येक ऋतूत तुम्ही भेटत राहा, प्रत्येक पावसाचा प्रेम असंच खुलवत राहा. प्रत्येक जन्मी प्रेम असंच वाढत राहावं. लग्नवर्धापन दिन असाच साजरा होत राहो. 

  • तुम्ही दोघं दिसता सोबत छान, असंच एकमेकांवर प्रेम करा आणि आधीपेक्षाही एकमेकांवर जास्त प्रेम करा. 

  • प्रार्थना करते की, तुम्हा दोघांमध्ये लग्नाआधी आणि लग्नानंतरही अगदी लग्नाच्या पहिल्या दिवशीसारखं प्रेम असावं. लग्नवाढदिवसाच्या खूप खूप शुभेच्छा. 


लग्न वर्धापनदिनानिमित्त खास कोट्स marriage anniversary quotes in marathi 


priya-umesh


लग्नाची व्याख्या ज्याला उमजली तो खरा साथीदार. लग्नाबाबत असंच उलगडून सांगणारे काही लग्न वर्धापनदिनाचे कोट्स. 


  • प्रत्येक लव्ह स्टोरी असते खास, युनिक आणि सुंदर. पण आपली लव्हस्टोरी आहे माझी फेव्हरेट. हॅपी अॅनिव्हर्सरी. 

  • ज्या मुलीने माझ्या आयुष्याला सुंदर बनवलं. तिला लग्नाच्या वाढदिवसाच्या शुभेच्छा.

  • माझा नवरा, माझा पार्टनर, माझा बाॅयफ्रेंड आणि माझा मित्र बनून राहिल्याबद्दल खूप खूप शुभेच्छा. हॅपी एनिवर्सरी हबी.

  • आकाशाचा चंद्र तुझ्या बाहूंमध्ये येवो, तू जे मागशील ते तुला मिळो, प्रत्येक स्वप्नं होवो तुझं पूर्ण हॅपी अॅनिव्हर्सरी माय लव्ह.

  • आयुष्यात भलेही असोत दुःख, तरीही त्यात तू आहेस कडक उन्हातली सावली, अशीच राहो आपली साथ, हीच माझी आहे इच्छा खास. हॅप्पी वेडिंग एनिवर्सरी.

  • हे महत्त्वाचं नाही की, प्रत्येक बाबतीत आपलं एकमत व्हावं, महत्त्वाचं आहे आपलं एकमेंकावर असलेलं प्रेम, लग्नाच्या वाढदिवसाच्या खूप खूप शुभेच्छा डार्लिंग. 

  • प्रत्येक खोली कधी ना कधी घर बनते, आपली मुलंही तुझ्याविना घराला कुटुंब कसं मानतील, तू नसतास तर इतका सुखद अनुभवही कसा मिळाला असता. हॅपी अॅनिव्हर्सरी पार्टनर.

  • आज या दिवशी चल, त्या सगळ्या आठवणींना पुन्हा ताजं करूया. ज्या आपण एकत्र निर्माण केला. ते संध्याकाळचे सुंदर क्षण, जे आपण एकमेकांसोबत घालवले, कारण माझ्यासाठी तू खास आहेस आणि तुझ्यासाठी मी.

  • एनिवर्सरी जाईल-येईल, पण आपल्या आयुष्यात आपली साथ आणि प्रेम सदैव गंधित राहो. लग्नाच्या वाढदिवसाच्या खूप शुभेच्छा पतीदेव.

  • आपण कितीही भांडलो, कितीही अबोला धरला तरी प्रेम कधीही कमी होणार नाही. लग्न वर्धापनदिनाच्या शुभेच्छाा माय लव्ह. 


लग्नासाठी खास ब्रायडल एंट्री आयडियाज


लग्नाच्या वाढदिवशी द्या या शुभेच्छा (Happy Married life wishes in marathi)


तुमच्या नातेवाईकांमधील किंवा ओळखींच्या कपल्सना द्या खालील लग्नाच्या वाढदिवसाच्या शुभेच्छा. 


  • जन्मोजन्मी राहावं तुमचं नातं असंच अतूट


        आनंदाने जीवनाते यावे रोज रंग अनंत 


        हीच प्रार्थना आहे देवाकडे 


        हॅपी अॅनिव्हर्सरी 


  • विश्वासाचं नातं हे कधीही तुटू नये


        प्रेमाचा धाग हा सुटू नये


        वर्षोनुवर्ष नातं कायम राहो 


        लग्नवाढदिवसाच्या खूप खूप शुभेच्छा 


  • स्वर्गाहून सुंदर असावं तुमचं जीवन


        फुलांनी सुगंधित व्हावं तुमचं जीवन


        एकमेकांसोबत नेहमी असेच राहा कायम


        हीच आहे इच्छा तुमच्या लग्नाच्या वाढदिवशी कायम 


  • घागरीपासून सागरापर्यंत 


        प्रेमापासून विश्वासांपर्यंत 


       आयुष्यभर राहो जोडी कायम


       लग्नवाढदिवसाच्या खूप खूप शुभेच्छा


  • समर्पणाचं दुसरं नाव आहे तुमचं नातं


        विश्वासाची गाथा आहे तुमचं नातं 


        प्रेमाचं उत्तम उदाहरण आहे तुमचं नातं


        तुमच्या या गोड नात्याच्या गोड दिवशी खूप खूप शुभेच्छा


  • या लग्नवाढदिवसाच्या निमित्ताने माझी एकच प्रार्थना आहे, हे सप्तपदीचं नातं सात जन्माएवढं गहिरं असाव, ना कधी तू रूसावंस ना कधी तिने रूसावं, थोडंसं भांडणं आणि भरपूर प्रेम असावं. हॅपी अॅनिव्हर्सरी टू लव्हली कपल

  • मनापासून इच्छा आहे तुमच्यासाठी


        असंच मिळतं राहावं प्रेम तुम्हाला 


        नजर न लागो कधी या प्रेमाला


       चंद्र-ताऱ्यांसारखं दृढ नातं असावं तुमचं खास


       लग्नवाढदिवसाच्या खूप खूप शुभेच्छा


  • देवाने तुमची जोडी बनवली आहे खास 


        प्रत्येक जण देत आहे तुम्हाला शुभेच्छा खास


        तुम्ही रहा नेहमी साथ-साथ


        लग्नाच्या वाढदिवसाच्या शुभेच्छा 


  • तुम्हाला लक्ष लक्ष शुभेच्छा, आज तुमच्या लग्नाचा वाढदिवस आला आहे. हा आनंदाचा उत्सव वर्षानुवर्ष अखंड साजरा होत राहो हीच मनी आहे एकमेव इच्छा. लग्नाच्या वाढदिवसाच्या पुन्हा एकदा मनापासून शुभेच्छा. 

  • जीवनाच्या प्रत्येक पावलावर आनंदाने चालत जा. प्रत्येक बाजूला हास्य पसरत जा. जन्मोजन्मी हे नातं राहो कायम, प्रेमाचा सुगंधाने आयुष्य राहो असंच कायम. लग्नवर्धापनदिनाच्या शुभेच्छा. 


नववधूसाठी बेस्ट ब्रायडल ब्लाऊज डिझाईन्स


लग्नाच्या 25 व्या वाढदिवसाला द्या खास शुभेच्छा (Wedding anniversary wishes for parents in marathi) 


Anniversary-pic-3 


आपल्या आईबाबांचा लग्नाचा वाढदिवस तर खास असतोच. पण त्यातही जर तो 25 वा वाढदिवस असेल तर ग्रँड सेलिब्रेशनसोबतच शुभेच्छाही तशाच सुंदर हव्या. तुम्हीही द्या आईबाबांना खालील शुभेच्छा. 


  • तुम्ही एकमेंकांच्या आयुष्य किती सुंदरतेने सावरलं आहे, लग्नाचा वाढदिवस धूमधडाक्यात साजरा करा, कारण तुमचं हे नातं खूपच प्रेमळ आहे. लग्नाच्या सिल्व्हर ज्युबिलीच्या खूप खूप शुभेच्छा. 

  • तुम्हाला हे नवं आयुष्य मुबारक असो, आनंदाने भरलेलं आयुष्य असो, दुखाचं सावट नसो. हीच प्रार्थना आहे माझी सदा हसत राहा. लग्नाच्या 25 व्या वाढदिवसाच्या हार्दिक शुभेच्छा

  • तुमच्या दोघांची जोडी कधी ना तुटो देव करो तुमच्यावक कोणी ना रूसो असंच एकत्रितपणे जावं आयुष्य तुम्हा दोघांकडून आनंदाचा एक क्षणही ना सुटो 25 व्या अॅनिव्हर्सरीच्या खूप खूप शुभेच्छा

  • मनापासून एकच इच्छा आहे आजच्या दिवशी तुमच्या सर्व इच्छा होवो पूर्ण, लग्न वर्धापनदिनाच्या शुभेच्छा

  • तुम्ही दोघं आम्हाला आहात खूपच प्रिय


        तुमची जोडी सदैव राहो कायम 


        हीच आहे आज देवाकडे मागणी 


        हॅपी अॅनिव्हर्सरी


  • हे नातं.. हा आनंद.. कायम राहो


        आयुष्यात कोणतंही दुःख न येवो


        लग्नाचं हे कौतुकास्पद पर्व आहे खास


        स्वप्नांची शिखरं अशी उंच राहो


        25 व्या लग्नवर्धापनदिनाच्या शुभेच्छा


  • फुलं जशी दिसतात सुंदर बागेत, तसंच तुम्ही दोघंही राहू सोबत, लग्नवाढदिवसाच्या खूप खूप शुभेच्छा


  • लग्नाच्या वाढदिवसाच्या खूप शुभेच्छा


        प्रेम आणि विश्वासाची ही आहे कमाई


        देव ठेवो तुम्हा दोघांना खूष


        आदर, सन्मानाने जगा हे नातं खूप खूप 


        हॅपी अॅनिव्हर्सरी 


  • आजच्या खास दिवशी आहे मनापासून आनंद


        कारण तुम्ही आमच्यासाठी आहात खास 


        लग्नवर्धापनदिनाच्या शुभेच्छा 


  • जगात अशी खूप कमी माणसं आहेत ज्यांना मी मानतो. त्यापैकीच तुमचीही जोडी, जी आज साजरी करतेय 25 वी अॅनिव्हर्सरी


मराठीतील एक से एक उखाणे


लग्नवाढदिवसाला प्रत्येक वर्षी देता येतील असे हटके गिफ्ट्स (Anniversary Gift Ideas)


love-1


लग्नाच्या वाढदिवसाला प्रत्येक वर्षी काय गिफ्ट द्यायचं. हा प्रश्न जर तुम्हाला पडत असेल तर डोन्ट वरी. लग्न वाढदिवसाला दरवर्षी देण्यासाठी काही वेगवेगळ्या आणि हटके गोष्टी आहेत आणि त्या त्या गोष्टी देण्यामागची काही खास कारणं ही आहेत.


पहिल्या वर्षी पेपर (First Anniversary Gift Idea)


पहिल्या लग्नाच्या वाढदिवसाला एकमेकांना गिफ्ट देणं तसं सोपं असतं. पहिलंच वर्ष असल्याने खूप उत्सुकता असते. नव्या नवख्या सर्व गोष्टींचा आनंद असतो. खरंतर एक वर्ष कसं गेलं हे लक्षातच येत नाही. लग्नाचं पहिलंच वर्ष आणि तुम्ही म्हणालं... पेपर गिफ्ट द्यायचा? लग्नाचं पहिलं वर्ष हे कोऱ्या पाटीसारखंच असतं. नव्या सहजीवनाची सुरूवात असते. पेपर देणं हे सांकेतिक स्वरुपात तुमच्या सहजीवनाच्या कथेला केलेली सुरुवात आहे.  जी तुम्ही तुम्हाल हवी तशी लिहू शकता याचं प्रतीक आहे. त्यामुळे लग्नाच्या पहिल्या वर्षी बायकोला/ नवऱ्याला महागडी भेटवस्तू देतानाच एखादी डायरी द्या ज्यात प्रेम कविता किंवा प्रेम संदेश लिहीला असेल किंवा एखाद्या नाटकाची तिकिटं द्या.


दुसऱ्या वर्षी कॉटन (Second Anniversary Gift Idea)


पहिलं वर्ष अगदी अलगद सरतं. सणवार, हनिमून आणि नवीन नाती ह्यात कळतंच नाही. पण दुसरं वर्ष सुरू होताना जोडपं एकमेकांना ओळखू लागलेलं असतं आणि त्याचं नातं ही घट्ट होतं असतं. जसा कागदापेक्षा कापूस जास्त टीकाऊ असतो. पहिल्या वर्षापेक्षा दुसर्ं वर्षात जास्त दृढ झालेलं नात असतं. दुसऱ्या वर्षी गिफ्ट देताना तिला किंवा त्याला बाथरोब द्या, मोनोग्रामड टॉवेल सेट, क्युट पिलो किंवा स्वेटशर्ट द्या.   


तिसऱ्या वर्षी चामडं (Third Anniversary Gift Idea)


चामडं हे आपलं रक्षण करत. तसंच लग्न हेसुध्दा एक प्रकारे सुरक्षेचं प्रतीक आहे. जे तुम्हाला समाजात एक ओळख आणि सामाजिक स्थान मिळवून देतं. सो... त्याला किंवा तिला गिफ्ट देताना लेदर बॅग, लेदर बेल्ट किंवा लेदर वॉलेट गिफ्ट करा.


चौथ्या वर्ष फळं किंवा फुलं (Fourth Anniversary Gift Idea)


चौथ्या वर्षांपर्यंत तुमच्या नात्याने अनेक ऋतूंप्रमाणे उतारचढाव पाहिलेले असतात. त्या उतार आणि चढावांमध्ये तुम्ही एकमेकांसोबत व्यतीत केलेल्या चार वर्षांचं ही फळं किंवा फुलं ही देखील ह्याचंच प्रतीक आहेत. त्यामुळे तिला किंवा त्याला गिफ्ट देताना रोझ सेंटेड परफ्युम, इ़डिएबल बुके किंवा अॅपल आयपॅड ही देऊ शकता.


पाचव्या वर्षी लाकूड (Fifth Anniversary Gift Idea)


पाचव्या वर्षांपर्यंत तुमच्या नात्याची मुळं छान रोवलेली असतात आणि एखाद्या झाडाच्या फांद्यांप्रमाणे नातंसुध्दा सतत वाढतं. सो.. पाचव्या वर्षी या लाकडयासारख्या टणक नात्याचं प्रतीक म्हणून तिला किंवा त्याला एखादं लाकडी वस्तू जसं लाकडी फुलदाणी किंवा रॉकींग चेअर ही देऊ शकता.


10 व्या वर्षी अॅल्युमिनिअम (10th Marriage Anniversary Gift Idea)


अॅल्युमिनिअमचा वापर हा एकेकाळी लोखंडाला गंज लागू नये म्हणून करण्यात यायचा. लग्नाच्या दहा वर्षानंतर मुरलेल्या जोडप्याचं नातंसुध्दा गंजविरहीत राहावं ह्या उद्देशाने तिला अॅल्युमिनिअम कुकवेअर आणि त्याला ग्रिलिंग टूल्स देऊ शकता.


25 व्या वर्षी चांदीची वस्तू (25th Wedding Anniversary Gift Idea)


नात्याच्या सिल्व्हर ज्युबिली वर्षात तुम्ही चांदीसारखा मौल्यवान धातू जो जगभरात प्रसिध्द आहे. त्याची एखादी अनमोल वस्तू गिफ्ट करू शकता. जे तुमच्य नात्याप्रमाणे मौल्यवान तर असेलच आणि त्याच्या चकाकीप्रमाणे नात्याचं तेजस्वी प्रतीक ही ठरेल, मग तिला किंवा त्याला गिफ्ट द्या चांदीचा दागिना किंवा वस्तू.  


50 व्या वर्षी सोनं (50th Anniversary Gift Idea)


आयुष्यातील 50 वर्ष एखाद्याबरोबर व्यतीत करणं सोपं नाही. हे सुंदर आणि मौल्यवान नातं साजर करणं आवश्यकच आहे आणि या क्षणी सोन्यासारख्या नात्याला सोन्यासारखं मौल्यवान गिफ्ट मिळालं तर सोने पे सुहागाच जणू. मग तिला एखादा सुंदर दागिना तर त्याला एखादी अंगठी किंवा कपल वॉच हा ऑप्शनसुध्दा छान आहे.


जशी प्रत्येक लग्न वाढदिवसाला गिफ्टस् महत्वाची आहेत. तश्याच महत्वाच्या आहेत मनापासून एकमेकांना दिलेल्या शुभेच्छा. शुभेच्छा मग त्या कविता लिहून दिलेल्या असोत, मराठीतल्या असोत किंवा छानशी नोट लिहून दिलेल्या असोत. सणवार, मित्रमेैत्रीणी, नवे ऋणानुबंध आणि नव्या जवाबदाऱ्या ह्या सर्व गोष्टीत पहिलं वर्ष अगदी सहज जातं. खरी मजा नंतर येते. जेव्हा नात्यातील उत्सुकता तर असते पण काही प्रमाणात वयोमानाप्रमाणे कमी ही झालेली असते. दिवस साजरा तर करायचा असतो. मनात हो नाही हो नाही सुरू असतं. मुलंही अॅड ऑन झालेली असतात. पण अशावेळी तुमचा हा खास दिवस अविस्मरणीय करण्यासाठी मदतीला येतात त्या आपल्या मायबोलीतील किंवा इतर भाषेतील लग्नवाढदिवसाच्या शुभे्च्छा. मुख्य म्हणजे आपल्या भाषेतून व्यक्त होऊन दिलेल्या शुभेच्छांची गोष्ट काही औरच असते. नाही का?

लाईफस्टाईल विषयी अधिक वाचा
Load More Lifestyle Stories