Bigg Boss 13 चा विजेता सिद्धार्थ शुक्लाचे हृदयविकाराने निधन

अभिनेता आणि बिग बॉस 13 चा विजेता (Bigg Boss 13) सिद्धार्थ शुक्ला (Siddharth Shukla) याचे निधन झाले आहे. मुंबईतील कूपर रूग्णालयाने सिद्धार्थच्या निधनाची पुष्टी दिली आहे. 40 वर्षीय सिद्धार्थचे हृदविकाराच्या झटक्याने निधन झाल्याचे सांगण्यात येत आहे. मिळालेल्या माहितीनुसार सिद्धार्थने रात्री झोपण्यापूर्वी काही गोळ्या घेतल्या होत्या. त्यानंतर सिद्धार्थ उठलाच नाही. रुग्णालयातून सिद्धार्थचा मृत्यू हार्ट अटॅकने झाल्याचे सांगण्यात आले आहे. 

अधिक वाचा – मुलगी झाली हो’… अभिनेत्री स्मिता तांबे झाली आई

टीव्ही इंडस्ट्रीतील मोठे नाव

अनेक जणांचा आवडता असा लहान पडद्यावरील अभिनेता म्हणून सिद्धार्थ शुक्लाची ओळख होती. टीव्ही इंडस्ट्रीतील अत्यंत मोठे नाव. गेल्याच आठवड्यात सिद्धार्थ आणि शहनाज ज्यांना #sidnaaz असे ओळखण्यात येते त्यांनी प्रेमाच्या भागात डान्स दिवाने या रियालिटी शो मध्ये हजेरी लावली होती. सिद्धार्थ अत्यंत मनमिळावू आणि तितकाच त्याच्या बिनधास्त बोलण्यासाठी ओळखला जात होता. बिग बॉसमध्ये आल्यानंतर संपूर्ण सीझन सिद्धार्थने गाजवला. सिद्धार्थमुळेच पहिल्यांदा या सीझनचे महिनेही वाढवण्यात आले होते. बालिका वधू या मालिकेतून सिद्धार्थ घराघरात पोहचला होता. 2004 मध्ये आपल्या अभिनयाची कारकिर्द सिद्धार्थने सुरू केली आणि त्यानंतर त्याने कधीही मागे वळून पाहिले नाही. बिग बॉसच्या घरामध्ये असिमसह मैत्री त्यानंतर दोघांमधील शत्रुत्व असो अथवा रश्मी देसाईसह नाव जोडल्यानंतर त्यांच्यातील भांडणे असोत, सिद्धार्थ प्रत्येक गोष्टीसाठी कायम गाजला. चाहत्यांनी सिद्धार्थला नेहमीच पाठिंबा दिला. सिद्धार्थला आदर्श मानणारेही अनेक जण आहेत. तसंच सिद्धार्थ आपल्या वन लाईनरसाठीही खूपच प्रसिद्ध होता. जे मनात आहे ते तोंडावर बोलून सिद्धार्थ मोकळा होत असे. त्यामुळे त्याच्या चाहत्यांमध्ये दिवसेंदिवस वाढच झाली.

अधिक वाचा – एकता कपूरची मराठमोळी ‘कुसुम’ शिवानी बावकर

बॉलीवूडमध्येही केले काम 

सिद्धार्थने हम्प्टी शर्मा की दुल्हनिया या चित्रपटातही काम केले. दरम्यान नुकतीच त्याती ब्रोकन बट ब्युटीफूल ही वेबसिरीज आली होती. प्रेक्षकांनी त्याच्या प्रत्येक कामाची पावती दिली होती. सिद्धार्थला सोशल मीडियावरही जबरदस्त फॅन फॉलोईंग आहे. या दुःखद बातमीमुळे सर्वांनाच धक्का बसला आहे. दरम्यान आता सिद्धार्थची आई आणि सिद्धार्थची सर्वात जवळची मैत्रीण शहनाज गिल (Shehnaaz Gill) यांच्यावर दुःखाचा नक्की काय डोंगर कोसळला असेल या विचारानेच चाहते हैराण होत आहेत. तर सिद्धार्थ फारच कमी वयात निघून गेला अशा प्रतिक्रिया उमटू लागल्या आहेत. अनेक स्तरातून आता प्रतिक्रिया उमटू लागल्या आहेत आणि अनेक जण आता सोशल मीडियावर सिद्धार्थला श्रद्धांजली वाहत आहेत. मात्र सिद्धार्थच्या जाण्याने नक्कीच एक पोकळी टीव्ही इंडस्ट्रीमध्ये निर्माण झाली आहे.

अधिक वाचा – अभिनेत्री वीणा जगतापच्या फोटोवर अश्लील कमेंट, वीणाने घेतला समाचार

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक