आपल्याकडे भारतामध्ये कोणत्याही चांगल्या गोष्टीसाठी राशीनुसार मुहूर्त आणि इतर कामं केली जातात. तर राशीनुसार माणसांचा स्वभाव, त्याचे कर्तृत्वदेखील पाहिले जाते. ज्योतिषशास्त्राच्या मते राशीनुसार प्रत्येक माणसाचा स्वभाव, त्याचे पुढील कार्य आणि भविष्य अवलंबून असते. तसंच कोणत्या व्यक्तीने कुठे जन्म घेतला आहे त्यानुसार त्याचे ग्रह काम करतात असेही ज्योतिषशास्त्रानुसार सांगण्यात येते. याच ज्योतिषशास्त्रानुसार कोणत्या राशीच्या मुली अप्रतिम नेतृत्व करतात हे आपण या लेखातून पाहणार आहोत. अनेक मुलींकडेदेखील कोणत्याही ठिकाणी नेतृत्व करण्याची क्षमता असते. कमी काळातच ते आपल्या स्वभावाची आणि नेतृत्वाची छाप पाडून बॉस होतात आणि वेगवेगळ्या ठिकाणी नेतृत्व करण्यासाठी कणखरपणे उभ्या राहतात. केवळ करिअरमध्येच नाही तर अगदी कुठेही गेल्या तरी या राशीच्या मुली आपली छाप सोडतातच. अशा कोणत्या राशी आहेत ज्या राशीच्या मुली उत्तम नेतृत्व करतात ते आपण या लेखातून जाणून घेऊया.
मिथुन रास
मिथुन राशीच्या व्यक्ती या सहसा अत्यंत मजेशीर स्वभावाच्या आणि सर्वांमध्ये मिसळून वागणाऱ्या समजल्या जातात. कुठेही गेल्यानंतर आपल्याकडे लक्ष केंद्रित करून घेण्यास या व्यक्ती अत्यंत माहीर असतात. मिथुन राशीच्या मुली या स्वभावाने अत्यंत तडफदार आणि हुशार असतात. ऑफिस असू दे अथवा घराची जबाबदारी असू दे या मुली अत्यंत चोखंदळपणे स्थिती हाताळतात. या राशीच्या मुली अत्यंत हुशार असून योग्य जबाबदारीने कोणतीही परिस्थिती हाताळण्यासाठी सज्ज असतात. त्यामुळेच त्यांना कामाच्या ठिकाणी लवकर प्रमोशन मिळते. त्यांच्यातील हुशारी आणि नेतृत्वपणा हे गुण ओळखूनच त्यांना अनेक वेळा प्रमोशन देण्यात येते. तसंच अत्यंत लहान वयात बॉसदेखील या मुली बनतात. घर आणि घराबाहेर काम समतोलरित्या सांभाळण्याचे काम या मुली चोख बजावतात.
कन्या रास
कन्या राशीमध्ये जन्माला आलेल्या मुली या अत्यंत विचारपूर्वक निर्णय घेणाऱ्या असतात. तसंच त्या अत्यंत मेहनती असून त्यांचे मनही खूपच चांगले असते. आयुष्यामध्ये कोणतेही ध्येय असले तरीही या मुली ते ध्येय पूर्ण करण्यासाठी मागे हटत नाहीत. या मुलींची इच्छाशक्ती प्रबळ असते आणि त्यामुळेच त्यांच्यातील नेतृत्व गुण दिसून येतात. कोणतेही काम समर्पणाने पूर्ण करणे हा कन्या राशीच्या मुलींचा स्वभाव असतो. त्यामुळे हातात कोणतेही घेतलेले काम पूर्णत्वाला नेल्याशिवाय या मुली अजिबात थांबत नाहीत. त्यामुळेच इतर लोकांवर त्यांचा चांगला प्रभाव पडतो. करिअरमध्ये कन्या राशीच्या मुलींना सहसा उच्चपदावर बढती मिळालेली दिसून येते. कन्या राशीच्या व्यक्ती या अत्यंत संवेदशील असतात.
वृश्चिक रास
वृश्चिक रास म्हटल्यानंतर असंही सर्वांना माहीत असतं की या मुली अत्यंत चिकाटीच्या असतात. कोणतंही संकट येवो अथवा कोणतीही परिस्थिती असो या मुली कधीच मागे हटत नाहीत. नेतृत्व गुण या मुलींमध्ये भरभरून असतो. कोणत्याही परिस्थितीत विचार न करता कुठेही भिडणे हा या मुलींचा स्वभाव असतो. या मुली आपल्या आयुष्याबाबत खूपच गंभीर असतात आणि त्याचप्रमाणे खासगी आयुष्यात कितीही संकटं असली तरीही या मुली प्रोफेशनल अर्थात व्यावसायिक आयुष्यावर कधीही त्याचा परिणाम होऊ देत नाहीत. प्रोफेशनला या मुली महत्त्व देतात. त्यामुळेच त्यांना करिअरमध्ये लवकर प्रगती मिळते. सुरुवातीपासूनच या मुलींमध्ये नेतृत्व क्षमता असल्यामुळे अगदी शाळेपासूनच या मुली प्रत्येक गोष्टीत पुढे असलेल्या दिसून येते. वृश्चिक राशीच्या या मुली अत्यंत प्रभावशाली असतात. मात्र सहजासहजी यांना काहीही मिळत नाही. त्यासाठी कायम त्यांना मेहनत करावी लागते आणि त्यासाठी त्यांची दिवसरात्र एक करण्याची तयारीही असते. तसंच एकट्यासाठी न जगता आपल्यासह काम करणाऱ्या व्यक्तींचाही या मुली विचार करतात आणि म्हणूनच त्यांच्या भोवती मित्रमैत्रिणींचा गराडा असतो.
कुंभ रास
कुंभ राशीच्या मुली या अत्यंत स्वाभिमानी आणि स्वतंत्र वृत्तीच्या असतात. कोणतीही बंधनं त्यांना आवडत नाहीत. तर जे काम हातात घेतील त्याच्याशी या मुली अत्यंत प्रामाणिक असतात. कोणत्याही कार्यक्षेत्रात या मुली आपले नाव कमावतात कारण त्यांचे नेतृत्व अत्यंत चांगले असते. त्यांच्या प्रत्येक निर्णायाची लोक प्रशंसाच करतात. या राशीच्या मुली स्वभावाने अत्यंत मनमिळावू असतात आणि आपल्याबरोबर इतरांची भरभराट करण्याचा त्यांचा स्वभाव असतो. त्यामुळेच या राशीच्या मुलींना लवकर प्रमोशन मिळते. तसंच या मुली नेतृत्व करत असताना कधीही कोणालाही दुखावत नाहीत. त्यामुळे अगदी मिळून मिसळून राहणाऱ्या या मुलींचे नेतृत्व सर्वांनाच हवेहवेसे वाटते.
तुमची रास यापैकी कोणती आहे नक्की पाहा आणि तुमच्या मित्रमैत्रिणी या राशीच्या असतील तर नक्की त्यांना या लेखात टॅग करा.