Make Up Products

तुमच्या कलेक्शनमध्ये असल्याच पाहिजेत या ‘5’ लिपस्टिक शेड्स

Dipali Naphade | Dec 18, 2018

लिपस्टिक शेड्सचा स्टॉक तर प्रत्येकीच्या मेकअप किटमध्ये असतोच असतो. कधीतरी मार्केटमध्ये लिपस्टिक खरेदीसाठी गेल्यावर सेल्सगर्लने ब्रेनवॉश करुन तुमच्या गळ्यात अनवॉन्टेड शेडस् घातल्या असतीलच आणि आता त्या शेडस् तुमच्या मेकअप किटमध्ये धूळ खात पडल्या असतील. त्यातल्या काहींची एक्सपायरी डेटही निघून गेली असेल किंवा काही शेड तुम्ही कोणाला तरी गिफ्ट देण्याच्या विचारात असाल. हे सगळं का होतं? तर तुम्ही लिपस्टिक विकत घेताना योग्य ती शेड निवडत नाही म्हणून. अशी वेळ कधी येऊ नये, म्हणून लिपस्टिक घेताना विचारपूर्वक आणि शांतपणे शेडस् निवडाव्या. मैत्रिणींनो…म्हणूनच आम्ही तुम्हाला अशा लिपस्टिक शेड सुचवणार आहोत, ज्या तुमच्या मेकअप किटमध्ये असायलाच हव्यात आणि त्या शेड्स तुम्ही वेगवेगळ्या कार्यक्रमानुसार वापरु शकता.

लाइट पिंक लिपस्टिक

कल्पना करा की, कॉलेजच्या पहिल्याच दिवशी तुम्ही लाल भडक लिपस्टिक लावून गेलात तर? तर लोकं तुम्हाला हसतीलच. नुकतीच तुमची शाळा संपली आहे आणि आता कॉलेजचे गुलाबी दिवस सुरु होत असतील तर अशावेळी तुमची एन्ट्री एकदम जोरदार असायलाच हवी ना… मग त्यासाठी पिंक कलर लिपस्टिक बेस्ट आहे. कारण ही शेड तुम्हाला गर्लीश लुक तर देईलच आणि त्याचबरोबर तुमच्या ओठांचा नैसर्गिक रंगही शाबूत ठेवेल.