अखेर ही मराठी मालिका होणार बंद, कलाकार भावूक

एका वेगळ्या धाटणीची प्रेमकहाणी अशा स्वरूपात सुरू झालेली मराठीतील ‘येऊ कशी तशी मी नांदायला’ ही मालिका लवकरच प्रेक्षकांचा निरोप घेणार आहे. अभिनेत्री अन्विता फलटणकर (Anvita Phaltankar) आणि शाल्व किंजवडेकर (Shalva Kinjawadekar) यांची भूमिका असणारी ही मालिका कमी टीआरपीमुळे प्रेक्षकांचा आता अखेर निरोप घेणार आहे. मालिका सध्या अंतिम टप्प्यात असून मार्च महिन्यात या मालिकेच्या ठिकाणी स्वप्नील जोशी (Swapnil Joshi) आणि शिल्पा तुळसकर (Shilpa Tulaskar) यांची नवी मराठी मालिका ‘तू तेव्हा तशी’ येत आहे. येऊ कशी तशी मी नांदायला मालिकतून घरातघरात पोहचलेल्या शाल्व आणि अन्विताच्या अभिनयाची प्रशंसा झाली असली तरीही कमी टीआरपीमुळे ही मालिका आता गुंडाळावी लागत आहे अशी सध्या चर्चा आहे. 

अधिक वाचा – माधुरी दीक्षितच्या ‘या’ साडीची किंमत ऐकून व्हाल थक्क, काय आहे खासियत

अन्विताची भूमिका अधिक भावली

अन्विताने अभिनेत्री असण्यासाठी फिगर, उंची असावी लागते हा टॅबू मोडीत काढत आपला एक वेगळा ठसा उमटवला. शाल्व आणि अन्विताची अर्थात स्वीटू आणि ओमची जोडी ही अनेकांना आवडली. तर अन्विताने साकारलेली अवनी अर्थात स्वीटू ही भूमिकाही प्रेक्षकांना आवडली. अभिनेत्रीची व्याख्या तिने बदलली असून अभिनयाने मन जिंकता येतं हे तिने सिद्ध केले आहे. सहजसुंदर अभिनयाने आणि अन्विताने सर्वांना आपलंसं केलं. तर शाल्वसह असणारी तिची लहान पडद्यावरील केमिस्ट्री हादेखील प्रेक्षकांसाठी चर्चेचा विषय ठरला. उत्तम स्टारकास्ट असूनही कथानकाला वेगळं वळण मिळाल्यामुळे प्रेक्षकांनी या मालिकेकडे अचानक पाठ फिरवली. तर आता या मालिकेचा शेवट नक्की कसा असणार याकडे प्रेक्षकांचे लक्ष लागून राहिले आहे. या मालिकेला अचानक वेगळे वळण मिळत गेल्यामुळे प्रेक्षकांची नाराजी या मालिकेने ओढवून घेतली आणि त्यामुळे या मालिकेचा टीआरपी कमी झाल्याचेही दिसून आले. 

अधिक वाचा – गिनीज बुक ऑफ वर्ल्ड रेकॉर्डमध्ये बप्पी लाहिरीचं नाव का नोंदवलंय, जाणून घ्या

कलाकार झाले भावूक 

या मालिकेत गेले अनेक दिवस काम करत असून आता ही मालिका शेवटच्या टप्प्यावर असल्यामुळे कलाकारही भावूक झाले आहेत. या मालिकेने आपल्याला एक वेगळी ओळख मिळवून दिल्याचे अन्विता आणि शाल्वने नेहमीच सांगितले आहे. तर दोघेही सोशल मीडियावर अॅक्टिव्ह आहेत. अन्विता गाणे गात आपल्या या भावना सोशल मीडियावर व्यक्त केल्या आहेत. लवकरच ही मालिका निरोप घेणार असून प्रेक्षकांची आवडती स्वीटू आता पुन्हा दिसणार नाहीये. 

दरम्यान यानंतर अन्विता आणि शाल्व हे दोघेही कोणत्या नव्या प्रोजेक्टमध्ये काम करणार आहेत याचीही उत्सुकता आता त्यांच्या चाहत्यांना लागून राहिली आहे. शाल्व आणि अन्विताची केमिस्ट्री अप्रतिम आहे. त्यामुळे पुन्हा एकदा या दोघांना एकत्र पाहायला मिळावे अशीही त्यांच्या चाहत्यांची नक्कीच इच्छा आहे. तर अभिनयासह अन्विता एक उत्तम नृत्यांगनाही आहे, त्यामुळे एखादा डान्स रियालिटी शो तिने करावा असंही तिच्या चाहत्यांना वाटत आहे. मालिका बंद होणार असल्यामुळे चाहत्यांच्या मनातही नक्कीच मिश्र भावना असल्याचे सोशल मीडियावरील कमेंट्समध्ये दिसून येत आहे. 

अधिक वाचा – राकेश बापटला शेट्टी कुटुंबाकडून पसंती, काय आहे राकेशचं करिअर

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक