शनाया ऊर्फ रसिका सुनीलने केले प्रीवेडिंग शूट, लवकरच अडकणार लग्नबंधनात

‘माझ्या नवऱ्याची बायको’ ही मराठी मालिका प्रचंड गाजली आणि त्यातही सर्वात जास्त या मालिकेतील भूमिका गाजली ती म्हणजे शनायाची (Shanaya). ही भूमिका साकारली होती अभिनेत्री रसिका सुनीलने (Rasika Sunil). रसिका मालिकेनंतरही वेगवेगळ्या गोष्टींसाठी चर्चेत राहिली. मग तिचे बिकिनी शूट असो अथवा अन्य चित्रपट असोत. रसिका लवकरच लग्नबंधनात अडकणार आहे. आदित्य बिलागीसह रसिका लवकरच लग्न करणार असून सध्या ती आदित्यसह गोव्याच्या समुद्रकिनाऱ्यावर प्रिवेडिंग (Pre wedding shoot) शूट करत आहे. प्रिवेडिंग शूटचे काही #BTS रसिकाने आपल्या सोशल मीडिया अकाऊंटवर शेअर केले आहेत. 

अधिक वाचा – मराठी अभिनेत्री निशिगंधा वाड जबरदस्त भूमिकेत

लग्न करणार सांगितले मात्र तारीख जाहीर नाही

रसिका सुनीलने काही दिवसांपूर्वीच आपण आदित्यशी लग्न करणार असल्याचे एक फोटो शेअर करत सांगितले आहे. तर आता गोव्याच्या समुद्रकिनाऱ्यावर रसिका आणि आदित्य प्रिवेडिंग शूटदेखील करत आहेत. पण नक्की कोणत्या तारखेला लग्न करणार हे मात्र अजून स्पष्ट झालेले नाही.  गोव्याच्या समुद्रकिनाऱ्यावर सध्या दोघेही रोमँटिक फोटोशूट करत आहेत. रसिका यामध्ये अत्यंत सुंदर अशा पिवळ्या रंगाच्या ड्रेसमध्ये दिसत असून आदित्य पांढऱ्या रंगाच्या टीशर्टमध्ये दिसत आहे. तर दोघेही या शूटमध्ये मजा करताना दिसून येत आहे. तर रसिकाने हा व्हिडिओ शेअर करताना एक मजेशीर कॅप्शन दिली आहे, ‘तुम्हाला जर नक्की या साईन्स कळून येत असतील तर तुम्हाला नक्कीच माहीत आहे लवकरच तुमच्या भेटीसाठी काय येणार आहे, पण जरा थोडे थांबा’. रसिकाने पोस्ट केलेल्या या व्हिडिओवर कमेंट्स आणि अभिनंदनाचा वर्षाव होत असून या व्हिडिओच्या शेवटची रसिकाने #raskywedsadi असंही लिहिलं आहे. 

अधिक वाचा – पुन्हा आले ‘बंटी बबली’,सैफ अली खान- राणी दिसणार पुन्हा एकत्र

रसिका आणि आदित्यने नेहमीच केले काहीतरी वेगळे

रसिका आणि आदित्य ही जोडी नेहमीच काहीतरी वेगळं करत आले आहेत. इतर जोड्या प्रिवेडिंगला जिथे सजून धजून फोटोशूट करतात तिथे अगदी नेहमीच्या आणि आरामदायी अशा कपड्यांमध्ये दोघांनीही शूट केले आहे. तर आता रसिकाने नुसता व्हिडिओ शेअर केला आहे. त्यामुळे फोटो नक्की कसे आले असतील याची उत्सुकता तिच्या चाहत्यांना लागून राहिली आहे. रसिका आणि आदित्यची जोडी खूपच सुंदर दिसते. भडक मेकअप, जड कपडे असं काहीही यामध्ये दिसून आलेले नाही. तर अगदी रोजच्या आयुष्यात ही जोडी जशी आहे तसेच हे फोटो असतील असा अंदाज लावला जात आहे. इतकंच नाही तर प्रिवेडिंग शूटमध्ये दोघेही खूपच धमाल करत असल्याचे दिसून आले आहे. त्यामुळे आता यांचे फोटो रसिका कधी अपलोड करणार याकडे सर्वांचे लक्ष आहे. दरम्यान अनेक मराठी सेलिब्रिटींनीदेखील रसिकाचे अभिनंदन केले असून या जोडीला कोणाची नजर न लागो अशा आशयाचे मेसेजही आले आहेत. रसिका आणि आदित्यच्या लग्नाची तारीख नक्की कोणती आहे याचीही आता प्रेक्षकांना उत्सुकता लागून राहिली आहे. पण रसिकाच्या लग्नाचे फोटो आणि व्हिडिओ लवकरच सर्वांना पाहायला मिळतील असंही चाहत्यांना वाटत आहे. रसिका आणि आदित्यला भावी आयुष्यासाठी खूप खूप शुभेच्छा!

अधिक वाचा – कार्तिक आर्यनच्या ‘शहजादा’चं शूटिंग सुरू, अल्लू अर्जूनच्या ‘या’ चित्रपटाचा रिमेक

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक