‘पैंजण तुझं’ रोमँटिक कोळीगीतामध्ये दिसणार DID फेम दीपक हुलसुरे

सध्या नवनवीन रोमँटिक गीतांनी तरुणाईला भुरळ पाडली आहे. एकामागोमाग एक आलेल्या दिलबहार गाण्यांनी रसिक प्रेक्षकांना बेधुंद करून सोडले आहे. यातच भर घालत एक रोमँटिक कोळीगीत प्रेक्षकांच्या मनावर अधिराज्य गाजवायला सज्ज झाले आहे. डान्सिंग गर्ल म्हणून व्हायरल झालेली सलोनी सातपुते आणि डीआयडी (Dance India Dance) फेम दीपक हुलसुरे (Deepak Hulsure) ‘पैंजण तुझं’ या गाण्यातून प्रेक्षकांच्या भेटीस येत आहेत. ‘पीबीए म्युझिक’अंतर्गत असलेले हे कोळीगीत प्रेक्षकांनाही थिरकायला लावणार यांत शंकाच नाही. पीबीए म्युझिकने या आधीही ‘विठ्ठला विठ्ठला’, ‘नखरा’, ‘हे गणराया’ या गाण्यातून प्रेक्षकांची मने जिंकली होती यात भर घालत पीबीए म्युझिकचे ‘पैंजण तुझं’ हे नवे रोमँटिक कोळीगीतही प्रेक्षकांना ठेका धरायला लावण्यास सज्ज झाले आहे.

अधिक वाचा – हिना खानचा दिलखेचक अंदाज, अंगद बेदीसोबत दिले बोल्ड सीन्स

साथ देणार डान्सिंग गर्ल सलोनी सातपुते

प्रेयसीच्या पैंजणाच्या आवाजावर प्रियकराने नकळतपणे धरलेल्या ठेक्याचे वर्णन या पैंजण तुझं या कोळीगीतातून केले आहे. या गाण्याला अभि-राम यांनी संगीत दिले असून गाण्याचे बोल अक्षय जोशी लिखित आहेत तर हे गाणे प्रेम धीरल याने गाऊन या कोळीगीताला चार चाँदच लावले आहेत. या गाण्याच्या दिग्दर्शनाची धुरा मुकुंद राऊत याने पेलवली असून क्रिएटिव्ह हेड म्हणून वैभव लोंढे याने उत्तम कामगिरी पार पाडली आहे. तर निर्माते अँजेला आणि तेजस भालेराव यांच्या पीबीए फिल्म्स अँड म्युझिक निर्मित हे गाणे कोरोना काळात डान्सिंग गर्ल म्हणून व्हायरल झालेल्या सलोनी सातपुते आणि डीआयडी फेम दीपक हुलसुरे यांच्या नृत्याने सजले आहे. कोळीगीतांची धमाल या गाण्यातून नक्की अनुभवायला मिळणार आहे याची शंकाच नाही. या गाण्यात सलोनीचा हॉट लूक पाहायला मिळणार असून चाहते तिच्या या लूकला आणि तिच्या दमदार नृत्याला नक्कीच भरभरून प्रतिसाद देतील आणि तिचा हा दमदार परफॉर्मन्स पाहणे प्रेक्षकांनाही रंजक ठरेल. या गाण्याचे चित्रीकरण पुण्यात नव्यानेच तयार झालेल्या  ‘पीबीए फिल्मसिटी’ येथे पार पडले. दमदार नृत्याच्या साथीने हे गाणे आज प्रेक्षकांना ठेका धरायला लावण्यास सज्ज झाले आहे. सलोनी आणि दीपकचा नृत्याविष्काराने या गाण्याची शोभा वाढविली असून हे कोळीगीत नक्कीच रसिक प्रेक्षकांच्या मनावर राज्य करेल यांत शंकाच नाही.

अधिक वाचा – तरूण वयातच MTV Love School चा स्पर्धक जगनूर अनेजाचे अचानक निधन

दीपकने मराठी रियालिटी शो मध्ये जिंकले प्रेक्षकांचे मन

मराठीतील सुपर डान्सर या रियालिटी शो मध्येदेखील दीपक हुलसुरेने आपल्या नृत्य आणि स्वभावाने केवळ परीक्षकांचेच नाही तर प्रेक्षकांचेही मन जिंकले आहे. दीपक अत्यंत हालाखीच्या परिस्थितीतून मेहनत करून इथपर्यंत पोहचला आहे. लातूरमधील अत्यंत लहान गावातून आलेल्या दीपकचे नृत्यावर खूपच प्रेम आहे आणि त्याने नेहमी शेतात काम करताना नृत्याचा सराव करत इथपर्यंतचा टप्पा गाठला आहे. त्याच्यातील अत्यंत मनमिळावू आणि निर्मळ मनाच्या माणसामुळे आणि कायम मेहनत करत राहण्याच्या स्वभावामुळेच आता त्याच्या या नव्या प्रवासाला सुरूवात झाली आहे. दरम्यान मराठी माणूस आणि कोळी गीत आवडणार नाही असं होणं शक्यच नाही. त्यामुळे या नव्या कोळी गीतालादेखील चांगलाच प्रतिसाद मिळेल अशी आशा सर्वच टीमला आहे. 

अधिक वाचा – या अभिनेत्याला व्हायचे आहे रस्ते कॉन्ट्रॅक्टर,भन्नाट पोस्ट होतेय व्हायरल

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक