मराठी अभिनेत्री निशिगंधा वाड जबरदस्त भूमिकेत

एफएनपी मीडिया निर्मित बहुप्रतिक्षित शॉर्ट फिल्म ‘द अननोन नंबर’ (The Unknown Number) मध्ये अभिनेत्री निशिगंधा वाड (Nishigandha Wad) आणि गौरव बिश्त (Gaurav Bisht) प्रमुख भूमिकेत दिसणार आहेत. या चित्रपटाचे दिग्दर्शन जतिन चनाना यांनी केले आहे. निशिगंधा वाड हे नाव प्रेक्षकांना नक्कीच नवीन नाही. आजपर्यंत अनेक चित्रपट, हिंदी मालिका, हिंदी चित्रपट, नाटक यामधून निशिगंधा वाड यांनी आपल्या अभिनयाने प्रेक्षकांना जिंकून घेतले आहे. इतकेच नाही तर निशिगंधा वाड यांचा अनेक विषयांवरही उत्तम अभ्यास असून त्यांनी पीएचडीदेखील पूर्ण केलेली आहे. प्रसिद्ध लेखिका विजया वाड यांची मुलगी ही ओळख पुसून स्वतःची अशी वेगळी ओळख निशिगंधा वाड यांनी निर्माण केली. आता पुन्हा एकदा नव्या भूमिकेतून प्रेक्षकांसमोर येण्यासाठी निशिगंधा वाड सज्ज आहेत.

अधिक वाचा – अभिनेता चिन्मय उदगीरकर आणि अभिनेत्री सुरुची आडारकर ही फ्रेश जोडी पहिल्यांदाच एकत्र

मानवी भावनांची सुंदर कथा

चित्रपटाबद्दल दिग्दर्शक जतिन चनाना यांनी सांगितले की, ‘द अननोन नंबर’ ही मानवी भावनांची सुंदर कथा आहे. जेव्हा मी पहिल्यांदा स्क्रिप्ट वाचली तेव्हा माझ्या डोळ्यात अश्रू होते आणि मला खात्री आहे की ही शॉर्ट फिल्म प्रेक्षकांना मोहित करेल आणि नक्कीच आवडेल. प्रेक्षकांना गुंतवून ठेवण्याची ताकद या कथेमध्ये आणि कलाकारांमध्ये आहे असा विश्वासही दिग्दर्शकाने व्यक्त केला आहे. ‘द अननोन नंबर’ ही महामारीच्या काळात आम्ही पाहिलेल्या अनेक हृदयस्पर्शी कथांपैकी एक आहे, परंतु हा चित्रपट तुमचे जीवन बदलून टाकेल आणि आशा आणि सकारात्मकतेची छाप सोडेल असेही त्यांनी म्हटले आहे. तर नैसर्गिक अभिनयासाठी निशिगंधा वाड प्रसिद्ध आहेत. त्यामुळे या चित्रपटाचे खास वैशिष्ट्यदेखील त्या ठरतील असंही म्हटलं जात आहे. 

अधिक वाचा – Bigg Boss Marathi: आदिश वैद्य बाहेर, प्रेक्षकांना बसला धक्का

टीझर उतरला प्रेक्षकांच्या पसंतीला

निर्माता विकास गुटगुटिया यासंदर्भात म्हणाले, “दिग्दर्शक जतिन चनाना दिग्दर्शित हा चित्रपट प्रेक्षकांशी एक मजबूत कथानकासह जोडतो. अभिनेत्री निशिगंधा वाड आणि गौरव बिष्ट यांच्या प्रमुख भूमिका असलेल्या या चित्रपटाने जगभरातील मनोरंजन केलं आहे. आमच्यासाठी ही एक मोठी प्रेरणा आहे की चित्रपटाचा टीझर रिलीज झाला त्या दिवसापासून हा चित्रपट प्रेक्षकांच्या पसंतीस उतरला आहे. मी ‘द अननोन नंबर’ चित्रपटाच्या संपूर्ण कास्ट आणि क्रू चे अभिनंदन करू इच्छितो”. एफएनपी मीडियाच्या यूट्यूब चॅनेलवर रिलीज झाल्यानंतर  ‘द अननोन नंबर’ ट्रेंड करण्यासाठी तयार आहे. तर प्रेक्षकही आता आतुरतेने निशिगंधा वाड यांना पुन्हा एकदा पाहायला उत्सुक आहेत. अनेक वर्षानंतर निशिंगधा वाड पुन्हा एकदा अभिनय करताना दिसणार असल्याने त्यांच्या चाहत्यांना नक्कीच आनंद झाला आहे. मराठी चित्रपटच नाही तर हिंदी चित्रपटांमधूनही निशिगंधा वाड यांनी आपल्या अभिनयाचा ठसा गेले अनेक वर्ष उमटवला आहे. आता पुन्हा एकदा निशिगंधा वाड या शॉर्ट फिल्ममधून आपल्या सर्वांसमोर नक्की कोणत्या भूमिकेतून येणार याचीही उत्सुकता लागून राहिली आहे. तसंच कोरोना काळातील कथा म्हणजे नक्की कशा स्वरूपाची ही शॉर्ट फिल्म असणार याचीही आता उत्सुकता प्रेक्षकांना लागून राहिली आहे. हा चित्रपट नक्कीच प्रेक्षकांसाठी प्रेरणादायी ठरेल असा विश्वास कलाकार आणि दिग्दर्शकाने व्यक्त केला आहे. 

अधिक वाचा – ओ माय गॉड 2′ मध्ये अक्षय कुमार साकारणार भगवान शंकर, फस्ट लुक केला शेअर

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक