मराठी मालिका (marathi serial) हा आपल्या प्रेक्षकांचा आणि चाहत्यांचा अगदीच जिव्हाळ्याचा विषय. एखादा विषय आवडला की, मालिका अक्षरशः डोक्यावर घेतली जाते आणि ती मालिका भरकटू नये आणि विषय इकडचा तिकडे होऊ नये अशीच चाहत्यांची इच्छा असते. नुकतीच ‘माझी तुझी रेशीमगाठ’ (Mazi Tuzi Reshimgath) ही मालिका सुरू झाली असून पहिल्याच आठवड्यात या मालिकेने प्रेक्षकांच्या मनाचा ताबा घेतला आहे असे म्हणायला हरकत नाही. याचा प्रोमो आला तेव्हापासूनच या मालिकेची चर्चा सुरू झाली होती. कारण बऱ्याच वर्षांनंतर अभिनेता श्रेयस तळपदे (Shreyas Talpade) आणि प्रार्थना बेहेरे (Prarthana Behere) या दोघांनाही मालिकेतून पुन्हा एकदा चाहते पाहणार होते. दरम्यान या जोडीने प्रेक्षकांची मने पहिल्याच आठवड्यात जिंकली असून या मालिकेची स्टारकास्ट अर्थात या मालिकेत काम करणारे अन्य कलाकारही तितकेच तगडे आहेत.
अधिक वाचा – महाएपिसोडनंतर प्रेक्षकांचा संताप, येऊ कशी तशी मी नांदायला बंद करण्याची मागणी
मायराने जिंकले मन
मालिकेतील परी अर्थात मायरा वायकुळ (Myra Vaikul) ही सोशल मीडिया सेन्सेशन (social media sensation) तर आहेच पण तिच्या अभिनयानेही आता प्रेक्षकांचे मन जिंकायला सुरूवात केली आहे. प्रोमो आणि क्लिप्सवर मायराला जास्तीत जास्त दाखवा अशा कमेंट्सही आता प्रेक्षकांकडून येऊ लागल्या आहेत. फेसबुक आणि इन्स्टाग्राम अगदी दोन्हीकडे या मालिकेला भरभरून प्रतिसाद मिळत आहे. इतकंच नाही तर मालिका चांगली असून कृपया याचा विषय भरकटवू नका अशा विनंतीवजा कमेंट्सही चाहते देऊ लागले आहेत. श्रेयस तळपदे, संकर्षण कऱ्हाडे, प्रार्थना बेहेरे, मोहन जोशी यांचा सहज अभिनय आणि त्याहीपेक्षा मायराचे गोड संवाद प्रेक्षकांच्या मनात जागा करत आहेत. मालिकेचा विषय अर्थातच थोडा माहितीचा असला तरीही मालिका पाहवी वाटतेय ती त्यातील कलाकारांच्या सहज अभिनयामुळे.
अधिक वाचा – बिग बॉस’ मराठीचे तिसरे पर्व 19 सप्टेंबरपासून, प्रतीक्षा संपली
श्रेयस आणि प्रार्थनाची अफलातून केमिस्ट्री
श्रेयसला पुन्हा एकदा लहान पडद्यावर पाहणे ही नक्कीच त्याच्या चाहत्यांसाठी पर्वणी आहे. बरीच वर्ष श्रेयस लहान पडद्यापासून दूर होता. पण असा कमबॅक केल्यामुळे त्याचे चाहतेही नक्कीच आनंदी आहेत. श्रेयस आणि प्रार्थनाची अफलातून केमिस्ट्री प्रेक्षकांना पहिल्या आठवड्यातच भावली आहे. इतकंच नाही तर श्रेयस आणि संकर्षणची केमिस्ट्रीही प्रेक्षकांना हवीहवीशी वाटत आहे. बऱ्याच वर्षांनी अशा छान कलाकारांची फौज जमून आल्याचा एक फील सोशल मीडियावरदेखील दिसून येत आहे. त्यामुळे आता ही मालिका नक्की कोणत्या वळणावर जाणार यश आणि नेहाचे प्रेम कसे जुळणार? यश नेहाला आपले प्रेम समजावून देऊ शकेल का? परी आणि यशची मैत्री कशी होणार हे सर्वच पाहणे उत्सुकतेचे ठरणार आहे. तर श्रेयस, मायरा आणि नेहा या तिघांची केमिस्ट्रीदेखील प्रेक्षकांना आवडायला लागली आहे. त्यामुळे पहिल्याच आठवड्यात या मालिकेने टीआरपीमध्ये नाव मिळवले तर नक्कीच आश्चर्य वाटायला नको. बऱ्याच वर्षांनी काहीतरी छान पाहायला मिळतं आहे असाही सूर सध्या सोशल मीडियावर दिसून आल्यामुळे या मालिकेच्या निर्मात्यांनीही आता तितक्याच जबाबदारीने ही मालिका हाताळावी इतकंच म्हणावंसं वाटतंय.
अधिक वाचा – तारा सुतारियाने का नाकारली कार्तिक आर्यनसोबत ‘फ्रेडी’मधली भूमिका
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
