पावसामुळे अल्हाददायक वातावरण प्रत्येकाला हवेहवेसे वाटते, परंतु त्यासह पावसाळ्यामुळे बर्‍याच समस्या देखील निर्माण होतात. पावसाळा आपल्या त्वचेसाठी एक कठीण काळ आहे. यावेळी वातावरणात भरपूर आर्द्रता असते जे त्वचेसाठी फार चांगले मानले जात नाही आणि त्यामुळे त्वचेसंबंधी विकार आणि अलर्जी या दिवसात अधिक दिसून येते. याबाबत आम्ही अधिक बातचीत केली डॉ. रिंकी कपूर, कन्सल्टंट डर्मेटोलॉजिस्ट, कॉस्मेटिक डर्मेटोलॉजिस्ट आणि डर्मेटो-सर्जन, द एस्थेटिक क्लिनिक्स यांच्याशी.
पावसाळ्यातील त्वचेच्या समस्या
- रॅशेस (शरीरावर उठणारी पुरळ) : पावसाळ्यात त्वचेच्या या सर्वात सामान्य समस्या आहेत. हवेतील ऍलर्जी वाढल्यामुळे बहुतेकदा पुरळ उठतात. शिंका येण्यासारख्या वारंवार होणार्‍या ऍलर्जींनी ग्रस्त असलेल्या लोकांमध्ये देखील ते सामान्य आहेत.
- आर्द्रता आणि घाम यांचे मिश्रण त्वचेवरील केसांचे कूप अवरोधित करते आणि परिणामी वेदना होणे आणि मुरुमांची समस्या उद्भवते
- एक्जिमा: हा संसर्गजन्य नसला तरी, इसब त्वचेसाठी घातक ठरु शकतो कारण यामुळे जळजळ, लालसरपणा आणि खाज सुटते. उपचार न केल्यास ते त्वचेला खडबडीत करु शकतात, त्वचेवर भेगा पडू शकतात आणि फोड येऊ शकतात
- खरुज: हा एक प्रकारचा परजीवी संसर्ग आहे ज्यामुळे त्वचेवर पुरळ आणि तीव्र खाज येते. हे मुलांमध्ये खूप सामान्य आहे आणि त्वचेची ही समस्या सांसर्गिक आहे, म्हणजे, कुटुंबातील एखाद्या सदस्याला ती झाली तर ती पसरण्याची शक्यता असते. उपचारांसाठी त्वचाविकार तज्ज्ञांचा सल्ला घेणे आवश्यक आहे
- ऍथलेटीक फुट: हा एक प्रकारचा बुरशीजन्य संसर्ग आहे आणि साधारणपणे पायाची नखे आणि तळपायावरील त्वचेवर परिणाम होतो. पायाची नखे क्रॅक होणे आणि त्वचा खडबडीत होते आणि एक लाजीरवाणी दुर्गंधी उत्सर्जित होते आणि जळजळ होते.हा ऍथलीटच्या पायासारखा बुरशीजन्य संसर्ग आहे. हे त्वचेवर लाल रंगाच्या अंगठ्यांसारखे दिसते. डॉक्टरांच्या सल्ल्याने यावर उपचार करावेत. या संसर्गासाठी स्वतःच्या मनाने औषध घेणे हानिकारक असू शकते
- त्वचेला खाज सुटणे: हे पावसाचे घाणेरडे पाणी, कीटक चावणे इत्यादींमुळे होऊ शकते. यामुळे चिडचिड होऊ शकते आणि त्वचा खराब होऊ शकते. इतर समस्या जसे की लालसरपणा येणे, भेगा पडणे आणि रक्तस्त्राव होणे
- हायपरपिग्मेंटेशन: आर्द्रतेमुळे त्वचेवर गडद रंगाचे ठिपके तयार होतात. ते त्वचा निस्तेज बनवतात. पिगमेंटेशनमुळे त्वचा अधिक मेलेनिन तयार करू लागते आणि हे गॅस्ट्रोइंटेस्टाइनल रोग किंवा चयापचय विकारांचे सूचक देखील असू शकते
सोप्या टिप्स
वातावरणातील आर्द्रता वाढल्याने पावसाळ्यात त्वचेच्या समस्या निर्माण होतात.या लेखाच्या माध्यमातून सोप्या टिप्स दिल्या आहेत ज्या तुम्हाला त्वचेच्या समस्या आणि संक्रमण टाळण्यास मदत करू शकतात आणि तुम्ही मान्सुनचा मनसोक्त आनंद लुटू शकतात.
- आपली त्वचा स्वच्छ ठेवा. जर तुम्ही पावसाच्या पाण्याच्या संपर्कात आला असाल तर घरी येताच नळाच्या पाण्याने धुवा आणि शरीर कोरडे ठेवा
- संसर्ग टाळण्यासाठी बुरशीविरोधी पावडरचा वापर शूज आणि सॉक्समध्ये वापरा
- ओले कपडे, ओले अंतर्वस्त्र, मोजे किंवा शूजमध्ये कधीही राहू नका. त्यांना शक्य तितके कोरडे ठेवण्याचा प्रयत्न करा
- जर तुम्हाला काही संसर्ग झाला असेल तर तुमचे कपडे वेगळे धुवा आणि इस्त्री करा
- शॉवरनंतर अंग कोरडे करुन पावरडर लावा.
- बाधित भागाला खाजवणे टाळा
- सैल, आरामदायी सुती कपडे घाला़
- तुमचे शरीर हायड्रेटेड आणि मॉइश्चराइज ठेवा. ठराविक अंतराने पाणी प्या
- घरातील पाळीव प्राणी स्वच्छ आणि कोरडे ठेवा
- प्रत्येक वेळी घराबाहेर पडताना एसपीएफ ३० किंवा त्याहून अधिक परिधान करा. ढगाळ दिवसातही सूर्याची किरणे तीव्र असतात.
कोणतेही प्रतिजैविक किंवा अँटी-बॅक्टेरियल साबण किंवा लोशन वापरण्यापूर्वी, प्रथम आपल्या त्वचाविकार तज्ज्ञांशी बोला. काही घरगुती उपाय जसे की इन्फेक्शनशी लढण्यासाठी कडुलिंबाचे पाणी, खाज सुटण्यासाठी चंदन पावडर आणि मॉइश्चरायझिंगसाठी खोबरेल तेल वापरल्याने पावसाळ्यातील त्वचेच्या समस्यांवर नियंत्रण ठेवण्यास मदत होईल.
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
