सलमान खानचा चाहता वर्ग खूपच मोठा आहे. त्यामुळे सलमानच्या आगामी चित्रपटांची चर्चा मोठ्या प्रमाणावर रंगताना दिसते. सध्या कोरोना आणि लॉकडाऊनमुळे सलमानच्या चाहत्यांना त्यांच्या चित्रपटांचा आनंद हवा तसा लुटता येत नाही. नाहीतर भाईजानचा चित्रपट पाहण्यासाठी थिएटरमध्ये मोठी गर्दी होते. आता सलमानच्या राधेनंतर टायगर 3 च्या प्रतिक्षेत चाहते आहेत. टायगर 3 हा सलमान खानच्या टायगर सिरिजमधला तिसरा चित्रपट आहे. ज्यामधून सलमान खान पुन्हा एकदा कतरिना कैफसोबत प्रेक्षकांसमोर येण्यास सज्ज झाला आहे. या चित्रपटाचं शूटिंग रूसमध्ये सुरू झालं असून त्याचा लुक सोशल मीडियावर लीक झाला आहे.
ईशा देओलचा खुलासा, इतके दिवस बॉलीवूडपासून का दूर ठेवलं स्वतःला
सलमान खानचा हटके लुक
सलमान खानच्या एका चाहत्याने भाईजानचा हा हटके लुक सोशल मीडियावर शेअर केला होता. पाहता पाहता हा लुक सोशल मीडियावर व्हायरल झाला आहे. विशेष म्हणजे या चित्रपटात सलमानचा लुक नेहमीपेक्षा वेगळा आहे. कारण या फोटोजमध्ये तो चक्क लांब केस आणि दाढीत दिसत आहे. हे फोटो पाहून चाहत्यांना टायगरच्या नव्या लुकबाबत नक्कीच उत्सुकता लागली आहे. सध्या या चित्रपटाचे शूटिंग रूसमध्ये सुरू आहे. रूसमध्ये नुकतंच सलमान आणि कतरिनासोबत एक कार चेज सीक्वेंसचा शॉट शूट करण्यात आला. ज्यासाठी सलमानने हा हटके लुक केला होता.
स्वीटू आणि ओमच्या लग्नात मालविका आणणार व्यत्यय
टायगर 3 सलमानचा सर्वात महागडा चित्रपट
‘टायगर 3’ च्या पहिल्या शेड्यूलचं शूटिंग सध्या रूसमध्ये सुरू आहे. लवकरच या चित्रपटाचं पुढील शूटिंग तुर्की आणि ऑ्ट्रेलिया अशा आणखी काही देशांमध्ये केलं जाणार आहे. सूत्रांनी दिलेल्या माहितीनुसार एकूण पाच देशांमध्ये हा चित्रपट शूट केला जाणार आहे. या सिरिजचा पहिला चित्रपट एक था टायगर कबीर खान, दुसरा चित्रपट टायगर जिंदा है अली अब्बास जफरने दिग्दर्शित केला होता. आता हा नवा सीक्वल मनीष शर्मा दिग्दर्शित करत आहे. या चित्रपटात सलमान आणि कतरिनासोबत इम्ररान हाश्मीदेखील असेल. इम्ररान या चित्रपटात व्हिलनचे काम करणार आहे. हा चित्रपट पुढच्या वर्षी प्रदर्शित होणार असून हा चित्रपट सलमानच्या कारकिर्दीमधील सर्वात महागडा म्हणजेच बिग बजेट चित्रपट असणार आहे. कारण या चित्रपटाचं बजेट जवळजवळ साडे तीनशे कोटींच्या घरात जाणारे आहे. त्यामुळे या चित्रपटाविषयी चाहत्यांच्या मनात अधिक उत्सुकता नक्कीच निर्माण झाली असणार.
