फिल्ममेकिंगमध्ये स्वतःचा वेगळा ठसा उमटवणारा दिग्दर्शक संजय लीला भन्सालीने नुकताच त्याच्या गंगूबाई काठियावाडी या चित्रपटाचे काम पूर्ण केले आहे. या चित्रपटात अभिनेत्री आलिया भट गंगूबाईच्या मुख्य भूमिकेत दिसणार आहे. संजय आता पाकिजा स्टाईल वेबसिरिज बनवण्याच्या प्रयत्नात आहे. या वेबसिरिजचे नाव ‘हीरा मंडी’ असून या निमित्ताने संजय प्रथमच डिजिटल क्षेत्रात दमदार प्रवेश करणार आहे. या वेबसिरिजचं कास्टिंगदेखील भारदस्त असणार आहे. या वेबसिरिजच्या मुख्य भूमिकेसाठी संजय लीला भन्सालीने अभिनेत्री सोनाक्षी सिन्हाला फायनल केल्याची सध्या चर्चा आहे. सोनाक्षी सिन्हा या चित्रपटात पहिल्यांदा एखाद्या सेक्स वर्करची भूमिका साकारताना दिसणार आहे.
संजयच्या ‘हीरामंडी’साठी सोनाक्षीची लागली वर्णी
संजयच्या हीरामंडीसाठी आधी हुमा कुरैशीला फायनल करण्यात आलं होतं. आता तिच्यासोबत संजयने सोनाक्षी सिन्हालाही साईन केलं आहे. सूत्रांनी दिलेल्या माहितीनुसार सोनाक्षीने या प्रोजेक्टमध्ये काम करावं ही सोनाक्षीपेक्षा तिचे वडील शत्रुघ्न सिन्हा यांची जास्त इच्छा होती. त्यांना सोनाक्षीने संजयच्या एखाद्या महत्त्वकांक्षी प्रोजेक्टमध्ये काम करावं असं वाटत होतं. याआधी सोनाक्षीने संजय भंसाली प्रॉडक्शनच्या राउडी राठौडमध्येही काम केलं होतं. मात्र आता सोनाक्षीची हीरामंडीमधील मुख्य भूमिकेसाठी वर्णी लागली आहे.
सोनाक्षी सिन्हा करतेय भूमिकेचा अभ्यास
सोनाक्षी सिन्हादेखील या वेबसिरिजमध्ये काम करण्यासाठी खूपच उत्सुक आहे. कारण तिने या भूमिकेत फिट बसरण्यासाठी तयारी सुरू केली आहे. सोनाक्षीच्या मते हीरामंडीत साजर केला जाणारा मुजरा पाकिजा अथवा उमराव जान या चित्रपटांसारखा असेल. या वेबसिरिजमध्ये अभिनेत्री माधुरी दीक्षितचा खास मुजरा देखील असणार आहे. यासाठीच सोनाक्षीने कथ्थकचे प्रशिक्षण घेण्यास सुरुवात केली आहे. मागच्या वर्षी सोनाक्षी दंबग 3 मध्ये रज्जो पांडेच्या भूमिकेत झळकली होतील. सोनाक्षी सिन्हा सध्या तिच्या आगामी चित्रपच भुज: दी प्राइड ऑफ इंडियामध्ये व्यस्त आहे. या चित्रपटात तिच्यासोबत अजय देवगन आणि संजय दत्त हे कलाकार मुख्य रोलमध्ये असणार आहेत.सध्या ती या चित्रपटाच्या प्रदर्शित होण्याची आतूरतने वाट पाहत आहे. या चित्रपटानंतर लगेच ती संजयच्या हीरामंडीच्या शूटिंगसाठी सज्ज होणार आहे. सोनाक्षीने आजवर दबंग सिरिज, लुटेरा, कलंक, मिशन मंगल, अकीरा, राजकुमार, सन ऑफ सरदार अशा अनेक चित्रपटांमधून निरनिराळ्या भूमिका प्रेक्षकांसमोर सादर केल्या आहेत. त्यामुळे सोनाक्षीला हीरामंडीत नेहमीपेक्षा वेगळ्या अशा सेक्स वर्करच्या पाहण्याासाठी प्रेक्षक नक्कीच उत्सुक आहेत.
संजयचा ‘हीरामंडी’ असणार वेगळा
संजय लीला भन्सालीच्या मते हीरा मंडीत संगीत आणि नृत्य नेहमीपेक्षा हटके आणि खास असणार आहेत. जरी त्यांच्या मते हीरा मंडी पाकिजा चित्रपटापाससून प्ररित असला तरी या वेबसिरिजचा लुक पूर्णपणे वेगळा असणार आहे. वेश्याव्यवसाय, कोठी संस्कृतीवर याआधी असा कोणताच सिनेमा अथवा वेबसिरिज झालेली नसेल अशा प्रकारचे प्रोजेक्ट बनवणार असल्याचा असा दावा दिग्दर्शक करत आहे. संजयचा हीरा मंडी हा एक बिग बजेट चित्रपट असणार होता. ज्यामुळे त्याची स्क्रिप्ट आधी एखाद्या चित्रपटाप्रमाणे करण्यात आली होती. मात्र लॉकडाऊन आणि इतर काही गोष्टींमुळे संजय लीला भन्सालीने पुढे या चित्रपटाचे मेगा वेब सिरिजमध्ये रूपांतर करण्याचा विचार केला . त्यानंतर स्क्रिप्टमध्ये त्यानुसार अनेक बदल करण्यात आले.
फोटोसौजन्य – इन्स्टाग्राम
अधिक वाचा –
आणखी एक स्टार किड पदार्पणाच्या मार्गावर, आहे या ज्येष्ठ अभिनेत्याचा नातू
पुन्हा एकदा एकत्र येणार गोविंदा आणि रविनाची सुपरहिट जोडी
