शमिताच्या वयावरून अक्षरा आणि ऊर्फीने घेतली फिरकी, म्हटले ‘मावशी’

बिग बॉस ओटीटी (Bigg Boss OTT) ने धमाकेदार सुरूवात केली असून पहिल्याच आठवड्यात भांडणांना आणि वादांना सुरूवात झाली आहे. तर अनेकांनी एकमेकांबद्दल कुरघोडी करणे आणि एकमेकांबद्दल मागून बोलणे सुरू केले आहे. काही स्पर्धक एकमेकांबरोबर टीम करताना दिसत आहेत तर काही जणांचे एकमेकांशी अजिबातच पटत नसल्याचे दिसून येत आहे. भोजपुरी अभिनेत्री अक्षरा सिंह (Akshara Singh) आणि शमितामधील (Shamita Shetty) दुरावा दिवसेंदिवस वाढताना दिसून येत आहे. दोघींमधील हा दुरावा प्रत्येकवेळी दिसून येत आहे. दोघींमध्ये झालेल्या वादामध्ये अक्षराने शमिताला हायफाय असण्याचा सतत दिखावा करण्याचा आरोपही लावला. मात्र आता शमिताच्या वयावरून फिरकी घेत अक्षराची मजल पुढपर्यंत गेली आहे. 

अधिक वाचा – कामाख्या देवीचे दर्शन घेतल्यामुळे सारा झाली ट्रोल

शमिताच्या वयावरून म्हटले ‘मावशी’

अक्षरा आणि उर्फी जावेद एकमेकींशी शमिताबाबत बोलत असतानाची क्लिप सध्या व्हायरल होत आहे. शमिताला मावशी असं अक्षराने म्हटले आहे. अक्षराने उर्फीला सांगितले की शमिताचे वय 42-43 च्या आसपास आहे याबाबत आपल्याला अजिबातच कल्पना नव्हती आणि ती इतक्या वर्षांपासून इंडस्ट्रीत आहे हेदेखील माहीत नव्हते. इतकंच नाही तर शमिताच्या वयावरून फिरकी घेत शमिता आपल्या आईच्या वयाची असल्याचेही अक्षराने म्हटले आहे. यावर दोघींनी फिरकी घेत शमिताला मावशी असे नाव दिले. अक्षराने यावेळी म्हटले की, शमिता आणि तिची आई एकाच वयाच्या आहे त्यामुळे शमिताला मावशी म्हणून हाक मारू शकतो. इतकंच नाही तर अक्षरा सिंह पुढे म्हणाली की शमिता नेहमी दुसऱ्यांवर वरचढ होण्याचा प्रयत्न करते आणि घरात घडणाऱ्या प्रत्येक गोष्टीवर तिची नजर असते. त्यावर उर्फीनेही रागाने म्हटले की, तिला प्रत्येक गोष्टी तिच्या हिशेबाने झालेली हवी असते आणि आपल्या सीझनमध्ये तर ती जिंकली नाही. यावर अक्षराला अजून धक्का बसला कारण शमिता याआधीही बिग बॉस मध्ये आली होती याबाबत तिला अजिबातच कल्पना नव्हती. 

अधिक वाचा – गौहर खान करणार पहिल्यांदाच पती झैदबरोबर स्क्रिन शेअर

शमिता पहिल्या दिवसापासून चर्चेत

शमिता बिग बॉसमध्ये आल्यापासून पहिल्या दिवसापासून चर्चेत आहे कारण राज कुंद्रा प्रकरणामध्ये तिने आपल्या घरच्यांसोबत राहणं अपेक्षित होतं. मात्र ती बिग बॉसमध्ये आली. शमिता 2009 मध्ये बिग बॉसच्या तिसऱ्या हंगामात स्पर्धक म्हणून होती. मात्र शिल्पा शेट्टीच्या लग्नासाठी तिने 34 व्या दिवशी शो सोडला आणि बाहेर पडली. आता पुन्हा एकदा शमिता आली असून ती पहिल्या दिवशीपासून शो गाजवत आहे. शनिवार आणि रविवारी करण जोहर या प्रकरणावर काही प्रकाशझोतल टाकणार का याकडेच आता चाहत्यांचे लक्ष आहे. कारण बॉडी शेमिंग अथवा वयावरून कोणालाही बोलणे हे योग्य नाही असं नेहमीच म्हटलं जातं. सलमान खान नेहमीच यावरून स्पर्धकांना ओरडत असतो. त्यामुळे आता करण जोहर नक्की यावरून अक्षराला काय बोलणार अथवा शमिताला याबाबत सांगण्यात येणार का आणि याचा परिणाम नक्की काय होणार आणि आता नवी ठिणगी पडणार का? असे अनेक प्रश्न आता प्रेक्षकांच्या मनात निर्माण झाले आहेत आणि याची उत्तरे आता शनिवार आणि रविवारच्या भागातच मिळू शकतील. शमिताला हे कळल्यानंतर तिची प्रतिक्रिया काय असणार याचीच आता उत्सुकता आहे.

अधिक वाचा – सब्यसाचीच्या नवीन साडीची किंमत ऐकून नेटकऱ्यांनी दिल्या या प्रतिक्रिया

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक