क्वारंटाइनच्या काळात घरात असलो तरीही आपल्या सगळ्यांचं रोजचं रूटीन मात्र बिघडलं आहे. आपल्याला जरी वाटलं की, आपल्याकडे त्वचेची काळजी घेण्यासाठी पुरेसा वेळ आहे तरी आपल्या त्वचेला कोरडेपणा, निस्तेजपणा आणि पिंपल्सच्या समस्येला सामोरं जावं लागत आहे. आता बऱ्याचजणी विचार करतील की, ना मी सध्या मेकअप करत आहे ना बाहेर धुळीत जातेय. ना कामाचा तणाव आहे. तरी त्वचा अशी का होतेय. याची कारणं खालीलप्रमाणे असू शकतात.
– तुमचं रोजचं स्कीन रूटीन
– हार्मोनल बदल
– सध्याच्या परिस्थितीबाबतचा तणाव
– डाएटमध्ये जास्त प्रमाणात साखर किंवा फॅटी फूड्स
– कमी पाणी पिणं
– पुरेसा व्यायाम न करणं
हे सगळं तुम्हाला टाळून सेल्फ आयसोलेशनमध्येही त्वचा चांगली कशी ठेवता येईल याबाबत सांगत आहेत प्रसिद्ध डर्मेटोलॉजिस्ट अप्रतिम गोयल.
रूटीन फॉलो करा
क्वारंटाइनमध्ये असलो तरी वेळेबाबत काटेकोर राहा. तुमच्या रोजच्या रूटीननुसार त्वचेची आणि केसांची काळजी घ्या. कारण आपण बरेचदा आळस करतो. पण ते टाळा आणि नियमितपणे क्लिजिंग, टोनिंग, मॉश्चरायजिंग आणि सनस्क्रीनही लावा. हो..अगदी घरात असलात तरी.
घरात असतानाही सनस्क्रीन का?
कारण सनस्क्रीन फक्त सूर्याच्या प्रखर किरणांपासूनच नाहीतर तुमच्या इलेक्ट्रॉनिक गॅजेट्समधून निघणाऱ्या ब्लू लाईटचाही सामना करते. तसंच खिडकीतून येणारं ऊन किंवा अगदी जेवण बनवताना त्वचेची काळजी घेते.
घरच्याघरी करा मिनी फेशियल
घरात स्पासारखं मस्त वातावरण निर्माण करा. रिलॅक्सिंग म्युझिक लावा आणि डी-स्ट्रेस व्हा.
- चेहरा क्लिंझ करा. स्टीम घ्या.
- एक्सफॉलिएट करा म्हणजे माईल्ड स्क्रबने चेहऱ्यावरी डेड सेल्स काढा.
- नंतर चेहऱ्याला हलक्या हाताने मसाज करा.
- चेहऱ्याला हायड्रेटींग किंवा अँटी एक्ने किंवा कोणताही नॅचरल मास्क लावा.
- सर्वात शेवटी सनस्क्रीन लावा.
तणाव आणि कॉर्टिसोल
तणावामुळे शरीरात केमिकल रिएक्शन होऊन त्याचा परिणाम त्वचेवर होतो. ज्यामुळे त्वचा संवेदनशील होणे किंवा जळजळ होणे या समस्या जाणवतात. या काळात तणावामुळे कॉर्टिसोल हे हार्मोन रिलीज होते.
- ज्यामुळे चेहऱ्यावर जास्त तेल येणं किंवा खूप घाम येणं किंवा पिंपल्स येतात. त्यामुळे शक्यतो तणाव टाळा.
- चेहऱ्यावर एक्ने आल्यास त्याला हात लावू नका.
- त्वचा वेळोवेळी मॉईश्चराईज करा.
पार्लर बंद असताना चेहऱ्याची अशी घ्या काळजी
डाएट
त्वचेची फक्त वरवर काळजी घेऊन उपयोग नाही तर त्यासाठी आहारही चांगला असावा लागतो. त्यामुळे प्रोसेस्ड फूड जसं चीज आणि डेअरी प्रोडक्ट्स टाळा.
- पुरेशी झोप घ्या.
- भरपूर पाणी प्या. दिवसातून किमान 3-4 लीटर पाणी प्या. प्रो-बायोटिक्स घ्या.
- चांगला आहार घ्या आणि हिरव्या पालेभाज्या जास्त प्रमाणात खा.
- व्यायाम करा आणि दिवसातून किमान 30 मिनिटं मेडिटेशन करा.
- आहारात सी व्हिटॅमीनचा समावेश करा.
त्वरीत हवी असेल नितळ त्वचा, तर करा ‘हे’ घरगुती उपाय
अशाप्रकारे काळजी घेतल्यास लॉकडाऊन काय इतर कोणताही तणाव तुमच्या त्वचेच्या आणि सौंदर्याच्यादरम्यान येणार नाही. घरात राहा आणि निरोगी राहा.