अजूनही सिद्धार्थ शुक्ला (Siddharth Shukla) च्या निधनाच्या वृत्तातून इंडस्ट्री सावरलेली नाही आणि आता अजून एक धक्का टीव्ही इंडस्ट्रीला बसला आहे. MTV Love School फेम जगनूर अनेजा (Jagnoor Aneja) याचे इजिप्तमध्ये हृदयविकाराच्या झटक्याने निधन झाले आहे. या वृत्ताने सर्वांनाच धक्का बसला आहे. बुधवारीच जगनूरने आपले एक स्वप्न पूर्ण झाले असा फोटो शेअर केला होता. काही दिवसांपूर्वीच जगनूर हा सुट्टीसाठी म्हणून इजिप्त येथील मिस्र येथे गेला होता. तर यादरम्यान फिरताना आणि मजा करतानाचे काही फोटो आणि व्हिडिओदेखील त्याने शेअर करत आपला आनंद व्यक्त केला होता. दरम्यान बुधवारीच म्हणजे मृत्यूच्या एक दिवस आधीही जगनूरने व्हिडिओ शेअर केल्याचे त्याच्या सोशल मीडिया अकाऊंटवर दिसून येत आहे. मात्र त्याच्या अशा अचानक जाण्याने सर्वांनाच धक्का बसला आहे.
अधिक वाचा – ‘खतरों के खिलाडी 11’ च्या विजेत्याचे नाव झाले लीक, सोशल मीडियावर चर्चा
बकेट लिस्टमधील स्वप्न पूर्ण करण्यासाठी इजिप्तमध्ये
जगनूरने आपल्या विशलिस्टमध्ये अर्थात बकेट लिस्टमधील एक स्वप्न पूर्ण करायचे म्हणून इजिप्तमध्ये फिरायचे ठरवले होते. सध्या जगनूर आपल्या स्वप्नातील जागेवर फिरण्याचाच आनंद घेत होता. बुधवारी जगनूरचे जो व्हिडिओ शेअर केला त्यात म्हटले होते, ‘माझे एक स्वप्न पूर्ण झाले असून मी गिझा येथील पिरॅमिड मी पाहिला. आता माझ्या बकेट लिस्टमधील एक इच्छा पूर्ण झाली आहे’ त्यानंतर दुसऱ्याच दिवशी त्याचे निधन झाले आणि त्यामुळे सर्वांनाच धक्का बसला असून सगळे हळहळत आहेत. त्याच्या निधनानंतर अनेकांनी आपली श्रद्धांजली वाहिली असून पुन्हा एकदा तरूण रक्ताचा माणूस गमावल्याचे दुःखही व्यक्त केले आहे. जगनूरने एमटीव्हीच्या लव्ह स्कूलच्या पहिल्या आणि दुसऱ्या दोन्ही सीझनमध्ये भाग घेतला होता. आपली एक्स गर्लफ्रेंड मोनिका हिच्यासोबत असणारा वाद संपुष्टात यावा यासाठी त्याने या रियालिटी शो मध्ये सहभाग नोंदवला होता. मात्र काही महिन्यातच त्यांचा ब्रेकअप झाला.
अधिक वाचा – हिना खानचा दिलखेचक अंदाज, अंगद बेदीसोबत दिले बोल्ड सीन्स
जगनूरला होती फिरण्याची आवड
जगनूरचे सोशल मीडिया अकाऊंट पाहिले तर लक्षात येते की, त्याला फिरण्याची प्रचंड आवड होती. त्याच्या सोशल मीडियावर अनेक फोटो आणि रिल्सही आहेत. तसंच आतापर्यंत जगभरात तो अनेक ठिकाणी फिरलेलाही दिसून येत आहे. प्रियांक शर्मा, साहिल खान यांच्यासह त्याचे फोटोही आहेत. जगनूर हा 40 वर्षांचा होता आणि अचानक हृदयविकाराच्या झटक्यानेच त्याचे निधन झाल्याने सगळीकडे हळहळ व्यक्त होत आहे. अनेक सेलिब्रिटींनी त्याच्या निधनानंतर कमेंट देत श्रद्धांजली वाहिली आहे. छोटी सरदारनी मालिकेतील माहीर पंधीने सोशल मीडियावर जगनूरसह फोटो शेअर करत शोक व्यक्त केला आहे, ‘तुझ्या आत्म्याला शांती मिळो, भाई तुझी खूपच आठवण येईल’ असे भावनात्मक लिहिले आहे. तर बंदगी कार्लाला जगनूर या जगात नाही यावर विश्वास ठेवणेही कठीण जात आहे. सुमेरने म्हटले आहे की, काही दिवसांपूर्वीच तुझा मला मेसेज आला होता आणि तू आता जगातच नाहीस. या महिन्यात इंडस्ट्रीतील दोन तरूण अभिनेत्यांचा मृत्यू झाला असून सर्वांनाच धक्का बसला आहे. इतकंच नाही तर फिटनेस राखूनही त्यांना हृदविकाराचा झटका कसा येऊ शकतो असाही प्रश्न आता सर्वांच्या मनात येत आहे. त्यामुळे मृत्यू कोणालाही कधीही येऊ शकतो हे बोलण्यापलीकडे कोणीच काहीही करू शकत नाही हेच सत्य आहे!
अधिक वाचा – या अभिनेत्याला व्हायचे आहे रस्ते कॉन्ट्रॅक्टर,भन्नाट पोस्ट होतेय व्हायरल
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
