दुधावरची मऊ आणि पांढरीशुभ्र साय खाण्यात एक वेगळीच मजा येते. या सायीला आपण मलई असंही म्हणतो. मात्र काहीजण फिटनेस अथवा वजन नियंत्रित राखण्यासाठी ही मलई खाणं पसंत करत नाहीत. तुम्हालादेखील साय अथवा मलई खाणं नको असेल तर तिचा वापर तुम्ही तुमचं सौदर्य खुलवण्यासाठी करू शकता. दुधाची साय अथवा मलईमुळे तुमच्या त्वचेवर चांगले परिणाम होतात. कारण सायीमध्ये असलेले पोषकतत्त्व तुमच्या त्वचेला मऊ आणि चमकदार करतात. शिवाय या सौंदर्य उपचारांसाठी फार खर्च मुळीच करावा लागत नाही. घरात असलेली दुधाची साय वापरून तुम्ही तुमचे सौंदर्य खुलवू शकता. सायीमध्ये असं काय असतं ज्यामुळे तुमच्या त्वचेवर एवढा चांगला परिणाम होतो हे जाणून घेण्यासाठी दुधाच्या सायीचे फायदे (Dudhachi Say Fayde) आणि दुधाची साय चेहऱ्यावर कशी लावावी हे जरूर वाचा. सोबतच चेहऱ्यासाठी कसा करावा दूधाचा वापर (How To Use Milk For Skin In Marathi) हे ही जाणून घ्या.
Table of Contents
- चेहऱ्यावरील डाग होतात दूर (Eliminates Dark Spots)
- मिळते टॅनिंगपासून सुटका (Removes tan)
- त्वचा चमकदार होते (Glowing skin)
- एजिंगची समस्या होते कमी (Getting Rid of Fine Lines and Wrinkles)
- उत्तम मॉईस्चराईझर (Best Moisturizer)
- चेहऱ्यावरील मृत कोशिका स्वच्छ होतात (Natural exfoliator)
- त्वचेच्या समस्या दूर होतात (Cures Acne and Eczema)
- त्वचा मऊ आणि मुलायम होते (Softens the Skin)
चेहऱ्यावरील डाग होतात दूर (Eliminates Dark Spots)
ज्यांच्या चेहऱ्यावर काळे डाग आणि चट्टे आहेत. त्यांना दुधाची साय नक्कीच फायदेशीर ठरते. कारण डाग आणि काळ्या चट्टांमुळे तुमचे सौंदर्य डागाळले जाते. जर तुम्ही नियमित चेहऱ्यावर दुधाची साय लावली तर चेहऱ्यावरील हे डाग कमी होण्यास मदत होऊ शकते.
कसा कराल उपाय –
डाग कमी करण्यासाठी दुधाची साय आणि एक ते दोन थेंब लिबांचा रस टाकून त्याची एक पेस्ट तयार करा आणि ती नियमित चेहऱ्यावर लावा.
मिळते टॅनिंगपासून सुटका (Removes tan)
बाहेर फिरताना सूर्यप्रकाशामुळे त्वचा बऱ्याचदा टॅन होते. ज्यांना कामानिमित्त सतत प्रवास करावा लागतो अथवा ज्यांना सतत नवनवीन ठिकाणी फिरायची हौस असते. त्यांच्यासाठी सनटॅन हे नेहमीच झालेलं असतं. हे सनटॅन काढण्यासाठी तुम्ही मलईचा वापर करू शकता. कारण त्यामुळे तुमच्या त्वचेला एक प्रकारचा उजळपणा मिळू शकतो. त्वचेला क्लिंझिंग, मॉश्चराईझिंग आणि टोनिंगची गरज असते. सायीमध्ये लॅक्टिक अॅसिड योग्य प्रमाणात असतं. ज्यामुळे तुमच्या चेहऱ्यावर नैसर्गिक चमक येते आणि तुम्ही नेहमीपेक्षा अधिक सुंदर दिसू लागता. पण त्यासाठी तुम्हाला दुधाची साय चेहऱ्यावर कशी लावावी हे माहीत असायला हवं.
कसा कराल उपाय –
दुधाची साय आणि चिमूट भर हळद एकत्र करा आणि तुमच्या सन टॅन झालेल्या त्वचेवर लावा. काही मिनीटांनी त्वचा साध्या पाण्याने स्वच्छ करा. सनटॅन कमी होई पर्यंत काही दिवस एक ते दोन दिवस आड हा प्रयोग करा.
त्वचा चमकदार होते (Glowing skin)
जर तुमची त्वचा धुळ आणि प्रदूषणामुळे निस्तेज झाली असेल तर दुधाची साय तुमच्यासाठी वरदानच ठरेल. दुधाच्या सायीचे फायदे (Dudhachi Say Fayde) अनेक आहेत. कारण दुधातील पोषक घटक या सायीमध्ये एकत्र झालेले असतात. ज्यामुळे त्वचेला नैसर्गिक चमक प्राप्त होते.
कसा कराल उपाय –
दुधाच्या सायीमध्ये काही थेंब मध टाका आणि त्याची पेस्ट चेहऱ्यावर लावा. काही मिनीटांनी चेहरा साध्या पाण्याने स्वच्छ करा. आठवड्यातून कमीत कमी दोन ते तीन वेळा हा प्रयोग केल्यास तुमच्या त्वचेवर एक नैसर्गिक ग्लो येऊ लागेल.
एजिंगची समस्या होते कमी (Getting Rid of Fine Lines and Wrinkles)
वातावरणात होणारे सततचे बदल, वाढते प्रदूषण आणि धकाधकीचे जीवन यामुळे वयाच्या आधीच म्हातारपणाची लक्षणे चेहऱ्यावर दिसू लागतात. एजिंगसाठी अनेक कारणं कारणीभूत ठरू शकतात. मात्र तुमच्या चेहऱ्यावरील सुरकुत्या आणि फाईन लाईन्स योग्य काळजी घेतली तर नक्कीच कमी होतात. यासाठीच जर तुम्हाला चिरतरूण दिसायचं असेल तर चेहऱ्यावर नियमित दुधाची साय जरूर लावा. दुधातील प्रोटिन्स आणि इतर पोषक घटकांमुळे तुमच्या चेहऱ्यावरील एजिंगच्या खुणा कमी होऊ लागतील. चेहऱ्यावरील सुरकुत्या कमी करण्यासाठी हा एक बेस्ट उपाय ठरेल.
कसा कराल उपाय –
दररोज सकाळी अंघोळ करण्यापूर्वी चेहऱ्यावर बेसन, दुधाची साय आणि चिमूट भर हळद यापासून बनवलेला फेसपॅक लावा. हा पॅक तुम्ही तुमच्या संपूर्ण शरीरावर बॉडी मास्कप्रमाणे देखील वापरू शकता. कारण यामुळे तुमच्या चेहऱ्यावरीलच नाही तर शरीरावरील एजिंगच्या खुणा कमी होतील. यासोबतच वाचा हे चेहऱ्यावरील सुरकुत्या घालवण्यासाठी घरगुती उपाय | Chehryavaril Surkutya Kami Karnyasathi Upay
उत्तम मॉईस्चराईझर (Best Moisturizer)
दुधावर जमा होणारी साय म्हणजेच मलई तुमच्या त्वचेचं चांगलं पोषण करते. म्हणूनच तुम्ही साय एक नैसर्गिक मॉईस्चराईझर म्हणून वापरू शकता. त्वचेचा कोरडेपणा कमी करण्यासाठी अथवा हिवाळ्यात त्वचेचं संरक्षण करण्यासाठी हा एक चांगला उपाय ठरू शकेल. यासाठी नियमित घरात दुधावर येणारी साय गोळा करा आणि त्वचेसाठी बनवा छान मॉईस्चराईझर
कसा कराल उपाय –
एका वाटीत ताजी साय घ्या आणि चमचा अथवा बीटरने बीट करून तिची एक मऊसूत पेस्ट तयार करा. त्वचेवर काही मिनीटे या पेस्टने चेहऱ्यावर मसाज करा. ही पेस्ट तुमच्या त्वचेत मुरू द्या. थोड्यावेळाने चेहरा स्वच्छ धुवून टाका. यामुळे तुमच्या त्वचेतील कोरडेपणा कमी झालेला आणि त्वचा फ्रेश झालेली तुम्हाला जाणवेल.
चेहऱ्यावरील मृत कोशिका स्वच्छ होतात (Natural exfoliator)
दुधाच्या सायीचे फायदे (Dudhachi Say Fayde) जाणून घेताना यातील महत्त्वाचा फायदा म्हणजे दुधाची साय ही नैसर्गिक एक्सफॉलिटर आहे. कारण दुधाची साय त्वचेवर वापरल्यास त्वचेवरील मृत कोशिका निघून जातात. वास्तविक त्वचेवर डेड स्किन जमा झाली की त्वचा निस्तेज दिसते. पण दुधाच्या सायीमुळे त्वचा स्वच्छ तर होतेच शिवाय मऊ आणि चमकदार होते. ज्यामुळे त्वचेवर नवीन पेशींच्या निर्मितीला चालना मिळते आणि तुमचा चेहरा तजेलदार दिसू लागतो.
कसा कराल उपाय –
दररोज रात्री झोपताना त्वचेवर एक चमचा साय कुस्करून त्यात एक चमचा ओट्स टाका आणि त्यापासून तयार केलेली पेस्ट लावा. हा त्वचेसाठी एक छान स्क्रब तयार होतो. ज्यामुळे तुमची त्वचा मुळापासून स्वच्छ आणि नितळ होते.
त्वचेच्या समस्या दूर होतात (Cures Acne and Eczema)
त्वचेच्या समस्या खरंतर खूप असतात. मात्र जेव्हा त्वचेवर एक्ने अथवा एक्जिमाचा त्रास जाणवतो. तेव्हा तुमच्या मनावरही याचा नकळत परिणाम दिसू लागतो. कारण या समस्या दूर करण्यासाठी तुम्ही अनेक उपाय करता मात्र त्यामध्ये चांगला बदल दिसून येत नाही. आश्चर्य म्हणजे तुम्ही यासाठी तुमच्या घरातील सायीचा वापर करू शकता. जे मुळीच खर्चिक नाही आणि फायदेशीर आहे.
कसा कराल उपाय –
एक चमचा दुधाची साय त्वचेवर थेट जिथे एक्ने अथवा एक्जिमा आहे अशा ठिकाणी लावा. काही मिनीट थांबा ज्यामुळे सायीचे मिश्रण सुकेल. मग कोमट पाण्याने चेहरा स्वच्छ करा.
त्वचा मऊ आणि मुलायम होते (Softens the Skin)
त्वचा चमकदार अथवा उजळ होण्यासोबतच ती मऊ असावी असं प्रत्येकीला वाटत असतं. कारण त्वचा मऊ असणं म्हणजे त्वचेचं उत्तम पोषण होत आहे असा संकेत असतो. जेव्हा त्वचा कोरडी पडते तेव्हा त्वचेवर काळे डाग, सुरकुत्या अशा अनेक समस्या पटकन निर्माण होऊ शकतात. यासाठी नियमित त्वचेवर दुधाची साय लावा.
कसा कराल उपाय –
एक चमचा दुधाची साय मध, चंदन पावडर आणि चिमूटभर हळद मिसळून एक पेस्ट तयार करा. हा फेसपॅक नियमित त्वचेला लावला तर तुमची त्वचा उजळ आणि मऊ होईल.यासोबतच वाचा बहुगुणी आहे नारळाचे दूध,असा करा वापर (Coconut Milk Uses In Marathi)
FAQs – दुधाची साय फायदे आणि काही प्रश्न
प्रश्न – दुधाची साय ओठांसाठी चांगली असते का ?
उत्तर – ओठ मऊ राहण्यासाठी ओठांचे योग्य पोषण होणं गरजेचं असतं. दुधाच्या सायीमध्ये अनेक पोषक घटक असतात ज्यामुळे तुमचे ओठ मऊ राहतात. यासाठीच दुधाची साय लावणं ओठांसाठी नक्कीच फायदेशीर ठरतं.
प्रश्न – त्वचेला उजळ करण्यासाठी दुधाची साय फायदेशीर आहे का ?
उत्तर – दुधामध्ये लॅक्टिक अॅसिड असतं. दुधाच्या सायीतून ते तुमच्या त्वचेला मिळतं ज्यामुळे तुमची त्वचा उजळ होण्यास मदत होते. त्वचेवरील मृत कोशिका स्वच्छ करण्यासाठी आणि नैसर्गिक ग्लोसाठी तुम्ही दुधाची साय त्वचेवर लावू शकता.
प्रश्न – दुधाची साय रात्रभर चेहऱ्यावर लावली तर चालेल का ?
उत्तर – दुधाची साय हा एक नैसर्गिक घटक आहे. त्यामुळे दुधाच्या सायीचे तुमच्या चेहऱ्यावर कोणतेही दुष्परिणाम होत नाही. सहाजिकच जर तुम्हाला चांगलं वाटत असेल तर तुम्ही रात्रभर त्वचेवर दुधाची साय लावून झोपू शकता.
प्रश्न – त्वचेची जळजळ दुधाच्या सायीमुळे कमी होते का ?
उत्तर – त्वचेला मऊ करण्यासाठी आणि त्वचेचा दाह अथवा जळजळ कमी करण्यासाठी दुधाची साय उत्तम पर्याय ठरते. कारण यामध्ये असलेले पोषक घटक त्वचेचं पोषण करतात आणि त्वचेला हायड्रेट ठेवतात.
