अभिनेत्री दीपिका पादुकोण आणि तिचा पती अभिनेता रणवीर सिंह सोशल मीडियावर खूप अक्टिव्ह आहेत. त्यामुळे त्याच्या प्रोफेशनल आणि वैयक्तिक जीवनात काय सुरू आहे याचे अपडेट चाहत्यांना सतत मिळत असतात. नुकतंच दीपिका पादुकोणने काही फोटो तिच्या सोशल मीडियावर शेअर केले आहेत. ज्यामध्ये ती चक्क भारताची बॅडमिंटन पटू पी. व्ही. सिंधूसोबत सराव करताना दिसत होती. सोशल मीडियावर हे फोटो पाहता पाहता व्हायरल झाले. एवढंच नाही या फोटोवरून लवकरच पी. व्ही. सिंधूच्या जीवनावर आधारित चित्रपट तयार होणार असल्याची चर्चादेखील सुरू झाली. चाहत्यांनी असा अंदाज लावला आहे की लवकरच पी. व्ही. सिंधूवर बायोपिक येत असून त्यामध्ये दीपिका मुख्य भूमिका साकारणार आहे.
दीपिका आणि रणवीरने अलिबागमध्ये खरेदी केला आलिशान बंगला, किंमत ऐकूल व्हाल थक्क
दीपिका पी. व्ही. सिंधूसोबत करतेय सराव
पी. व्ही. सिंधू भारताची लोकप्रिय खेळाडू आहे. त्यामुळे दीपिका आणि पी. व्ही. सिंधूचे बॅडमिंटन खेळणे हे सहज नक्कीच नाही. या फोटोजमध्ये या दोघी इनडोअर बॅडमिंटन खेळताना दिसत आहेत. या दरम्यान दीपिकाने काळ्या रंगाचा स्पोर्ट्स सूट आणि पी. व्ही. सिंधूने लाल रंगाचा स्पोर्ट्स सूट परिधान केला होता. एका फोटोमध्ये तर पी. व्ही. सिंधू आणि दीपिका पादुकोण मोबाईलमध्ये काही तरी पाहत हसताना दिसत आहेत. ज्यावरून त्यांच्यामध्ये खूप चर्चा झाल्याचं कळत आहे. या फोटोजमध्ये दीपिका पी. व्ही. सिंधूसोबत खेळताना खूप मेहनत करताना दिसत आहे. याचा अर्थ नक्कीच ही प्रॅक्टिस एखाद्या चित्रपटासाठीच केली जात आहे. या फोटोसोबत दीपिकाने शेअर केलं आहे की, ‘माझा एक दैनंदिन उपक्रम पी व्ही सिंधूसोबत कॅलरिज बर्न करताना’ या कॅप्शनवरून मात्र कोणताच खुलासा झालेला नाही.
उर्वशी रौतेला आगामी चित्रपटासाठी शिकत आहे मार्शल आर्ट
दीपिका पी व्ही सिंधूचे फोटो व्हायरल
हा सराव पी व्ही सिंधूच्या बायोपिकसाठी आहे की नाही असं उघड होत नसलं तरी तरी दीपिकाने शेअर केलेले फोटो मात्र सोशल मीडियावर व्हायरल झाले आहेत. या पोस्टला आतापर्यंत जवळजवळ अठरा लाख लोकांनी लाईक केलं आहे. शिवाय चाहत्यांना हा सराव बायोपिकसाठी होत आहे याचा अंदाज आल्यामुळे अनेकांनी कंमेटद्वारे ते व्यक्त केलं आहे. चक्क रणवीर सिंहने या पोस्टवर ‘एक मोठा FOMO अटॅक’ अशी कंमेट केली आहे. दीपिका पादुकोणचे वडील प्रकाश पादुकोण हे एक प्रसिद्ध बॅडमिंटनपटू होते. ज्यामुळे दीपिकाला बॅडमिंटनमध्ये नक्कीच रस असणार. दीपिकाला तिच्या वडिलांकडून बॅडमिंटनचं कौशल्य वारसा हक्कानेच मिळालेलं आहे. त्यामुळे दीपिका पी. व्ही. सिंधूची भूमिका पेलण्यास नक्कीच सक्षम आहे. यंदाचं वर्ष हे खेळ आणि खेळाडूंच्या आयुष्यावर असण्याची शक्यता आहे. कारण लवकरच रणवीर सिंह आणि दीपिका पादुकोण ‘83’ मध्येही झळकणार आहेत. हा चित्रपट 1983 च्या वर्ल्ड कपवर आधारित असणार आहे. यात रणवीर सिंह माजी क्रिकेटपटू कपिल देव आणि दीपिका त्यांची पत्नी रोमी भाटियाची भूमिका साकारणार आहेत.
