‘देवमाणूस’ (Devmanus), ‘तुझ्यात जीव रंगला’ (Tuzyat Jeev Rangala) या टीव्ही मालिका आणि सोशल मिडियावरील आपल्या व्हिडिओ मुळे चर्चेत असणारी अभिनेत्री, नृत्यांगना माधुरी पवार (Madhuri Pawar) आगामी ‘दिशाभूल’ या मराठी चित्रपटात महत्वपूर्ण भूमिकेत दिसणार आहे. सानवी प्रॉडक्शन हाऊसची पहिली निर्मिती असलेल्या ‘दिशाभूल’ (Dishabhul) या मराठी चित्रपटाचा मुहूर्त नुकताच पुण्यात संपन्न झाला. सानवी प्रॉडक्शन हाऊसच्या “दिशाभूल” चित्रपटाचा मुहूर्त निलेश राठोड (गृहमंत्रालय, नवी दिल्ली), रुकिया कडावत (राठोड) (बांधकाम व्यावसायिक), दशरथ गायकवाड (विस्तार अधिकारी) यांच्या शुभहस्ते करण्यात आला. यावेळी दिग्दर्शक आशिष कैलास जैन, डीओपी वीरधवल पाटील, संगीतकार क्रिस मस्करेन्हस, प्रथमेश धोंगडे, विनोद नाईक, ऍड. प्रज्ञावंत गायकवाड, गोपाळ कडावत, योगेश गोल्हार आदी मान्यवर उपस्थित होते.
अधिक वाचा – ‘मिसेस मुख्यमंत्री’ ची जोडी मोठ्या पडद्यावर करणार ‘दिशाभूल’
तेजस बर्वे आणि अमृता धोंगडेच्या महत्त्वाच्या भूमिका
आरती चव्हाण यांची निर्मिती आणि आशिष कैलास जैन दिग्दर्शित ‘दिशाभूल’ या चित्रपटात माधुरी पवार बरोबर ‘मिसेस मुख्यमंत्री’ मालिकेतून घराघरात पोहोचलेली अभिनेत्री अमृता धोंगडे (Amruta Dhongade) आणि अभिनेता तेजस बर्वे (Tejas Barve) ही लोकप्रिय जोडी पुन्हा एकदा एकत्र दिसणार आहे. तसेच या चित्रपटात प्रसिद्ध अभिनेते शशांक शेंडे, प्रणव रावराणे, अरुण कदम, सिद्धेश्वर झाडबुके, आशुतोष वाडेकर, शुभम मांढरे आणि अभिनेत्री प्रिया बेर्डे अशी तगडी स्टारकास्ट असून तेजससह मुख्य भूमिकेतील दुसरा अभिनेता कोण? याची उत्कंठा आता अधिकच वाढली आहे.
तरूणाईवरील चित्रपट
दिग्दर्शक आशिष कैलास जैन म्हणाले की, ‘दिशाभूल’ हा आजच्या तरुणाईचा चित्रपट आहे. कॉलेजमधील मुलांची ही अनोखी कथा असून यामध्ये फ्रेंडशिप, रोमान्स आणि सस्पेन्स थ्रीलर असा ट्रिपल धमाका असणार आहे. चित्रपटाबद्दल निर्मात्या आरती चव्हाण म्हणाल्या, ‘दिशाभूल’ हा सानवी प्रॉडक्शन हाऊसचा पहिला चित्रपट आहे. तरुण कलाकारांना संधी देतानाच दिग्गज कलाकारांना आम्ही सोबत घेतले आहे. ‘दिशाभूल’ मधून आम्ही करत असलेला वेगळा प्रयोग प्रेक्षकांना भावेल आणि नवीन वर्षांची सुरुवात एका मराठी चित्रपटसह करताना आम्हाला आनंद होत आहे. आम्ही अमृता आणि तेजस यांच्यासह मराठीतील नामवंत कलाकारांना एकत्र घेऊन एक वेगळा प्रयोग करत आहोत, त्याला प्रेक्षक साथ देतील असा विश्वास वाटतो. आपल्या भूमिकेबद्दल सांगताना माधुरी म्हणाली, ‘दिशाभूल’ हा एक वेगळ्या धाटणीची कथा असलेलला चित्रपट आहे. यातील माझी व्यक्तीरेखा ही मी आज पर्यंत साकारलेल्या भूमिकांपेक्षा अतिशय वेगळी आहे. चित्रपटाचे शुटींग सुरू झालं असून नवीन टीम सोबत काम करताना मजा येत आहे.
अधिक वाचा – हिंदीमध्ये झळकतोय आता हा नवा मराठमोळा चेहरा, मिळत आहेत नवे कॅम्पेन्स
मराठी चित्रपटात दिसत आहेत नव्या जोड्या
मराठी चित्रपटानेही आता कात टाकली आहे असं म्हणायला हरकत नाही. वेगवेगळे प्रयोग करताना नव्या जोड्याही आता मराठी चित्रपटामध्ये दिसून येत आहेत. त्यातही मराठी मालिकांमधील कलाकारांना प्रेक्षक अक्षरशः डोक्यावर उचलून धरतात. या कलाकारांना घेऊन चित्रपट केल्यानेही फायदा होतो हे नक्की. तसंच मालिकेतील कलाकारांनाही एक वेगळा प्रयोग करता येतो. तेजस बर्वे आणि अमृता धोंगडे या जोडीला प्रेक्षकांनी मालिकेतून भरभरून प्रतिसाद दिला होता. आता या नव्या चित्रपटातून ही जोडी काय कमाल दाखवणार हे पाहण्यासाठी नक्कीच प्रेक्षक उत्सुक असतील. तसंच तेजस आणि अमृताच्या सहजाभिनयासह अन्य कलाकारांचीही त्यांना साथ मिळणार आहे. दरम्यान चित्रपटाच्या नावावरून नक्कीच हा चित्रपट नव्या दमाचा आणि नव्या कथेवर असणार याची कल्पना येत आहे. सध्या याची कथा काय हे माहीत नसली तरीही तरूणाईला नक्कीच हा चित्रपट भुरळ घालेल असा विश्वास या चित्रपटाच्या टीमला आहे. त्यामुळे आता हा चित्रपट नक्की कधी प्रदर्शित होत आहे याकडे सर्व चाहत्यांचे नक्कीच लक्ष लागून राहिले आहे.
अधिक वाचा – ब्रेकअपच्या चर्चा नुसत्या अफवा,मलायका-अर्जुन पुन्हा एकत्र
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
