‘नेटफ्लिक्स’ हे आता मनोरंजनाचे एक प्रमुख माध्यम झाले आहे. सगळ्या चांगल्या सीरिज आणि चित्रपट सध्या या प्लॅटफॉर्मवर रिलीज होताना दिसत आहे. हिंदी चित्रपटांनी कोव्हिड काळात अशा ओटीटी प्लॅटफॉर्मची मदत घेतली आहे. संजय लीला भन्साळी यांचा मोस्ट अवेटेड ‘हिरामंडी’ हा लवकरच प्रेक्षकांच्या भेटीला येणार आहे. नेटफ्लिक्सवर ही सीरिज रिलीज होणार असून तिचे सात भाग प्रदर्शित होणार असल्याची माहिती दिली आहे. त्यामुळे फॅन्सना आनंद झाला आहे. याची घोषणा त्यांनी नुकतीच केली आहे. याचे पोस्टरही त्यांनी इन्स्टाग्रामवर शेअर केले आहे.
मोस्ट अवेटेड ‘हीरामंडी’
‘हीरामंडी’बद्दल याआधीही बरीच चर्चा करण्यात आली आहे. कारण एका वेगळ्या विषयावर संजय लीला भन्साळी ही वेब सीरिज घेऊन येणार आहेत. हीरामंडी ही एक खरी कथा असून त्याल सीरिज रुपात दाखवण्याचे काम ही सीरिज करणार आहेत. ही सीरिज 7 एपिसोड्सची असणार आहे. ही एक सत्य घटनेवर आधारीत असल्यामुळे ही पाहण्याची सगळ्यांनाच इच्छा आहे. हीरामंडी रिलीज होण्याचा आनंद टीमसोबत इतरांनीही व्यक्त केला आहे. नेटफ्लिक्सवर याचा अधिकाधिक शोध घेतला आहे. त्यामुळे आता हीरामंडी रिलीज होण्याची वाट सगळे पाहात आहेत.
करिअरला 25 वर्ष पूर्ण
संजय लीला भन्साळ यांना त्यांच्या फिल्मी करिअरला 25 वर्षे पूर्ण झाली आहेत. त्यांनी आतापर्यंत अनेक चांगले चित्रपट आणि भव्य सेट बनवले आहेत. त्यांनी अनेक मोठे चित्रपट बनवले आहेत. सीरिजच्या विश्वात त्यांनी पहिल्यांदाच पाय टाकल्यामुळे त्याची उत्सुकता आहे. संजय लीला भन्साळी यांनी देवदास, बाजीराव मस्तानी, गोलियो की रास लिला रामलिला ब्लॅक,गुजारीश, हम दिल दे चुके सनम या चित्रपटांची निर्मिती केली आहे. त्यांच्या या दर्जेदार प्रोजेक्टमुळेच त्यांना आतापर्यंत बरेच यश मिळाले आहे. आता करिअरला 25 वर्ष पूर्ण झाल्यामुळे त्यांच्या या नव्या प्रोजेक्टसाठी अनेकांनी त्यांना शुभेच्छा दिल्या आहेत.
गंगुबाई काठियावाडी
हीरामंडीच नाही तर संजय लीला भन्साळी यांचा आगामी चित्रपट ‘गंगुबाई काठियावाडी’ हा देखील प्रदर्शनाच्या प्रतिक्षेत आहे. आलिया भट या चित्रपटात प्रमुख भूमिकेत असून ही देखील एक सत्यकथा आहे. मुंबईच्या रेड लाईट परिसरातील सगळ्यांना एकत्र ठेवणारी गंगुबाई काठियावाडी आणि तिची भेदक नजर ही तेथे काम करणाऱ्या मुलींसाठी ढाल बनली होती. तिच्यावर आधारीत हा चित्रपट असून आलियाचा या चित्रपटातील लुक या आधीही दाखवण्यात आला आहे. याचा एक ट्रेलर रिलीज करण्यात आला असून या ट्रेलर टीझरला खूप लोकांची पसंतीही मिळाली होती. त्यामुळे या सीरिजनंतर या चित्रपटाची प्रतिक्षा आहे.
आता या सीरिज नंतर नक्कीच या नव्या चित्रपटाची उत्सुकताही लोकांमध्ये निर्माण होईल.
अधिक वाचा
पहिल्याच दिवशी पेटले भांडण, दिव्या – प्रतीकचे घमासान
करिना कपूर झाली निर्माती, लवकरच तयार करणार थ्रिलर चित्रपट
