“हो तिची दुनिया ही न्यारी तिची स्टाईल पुराणी जशी आहे मनाची राणी… कधी राऊंड राऊंड फिरे साऊंड लाऊड लाऊड करे ति गाते मर्जिची गानी…आली लाली गाली माझी मैना आहे निराली…” या दोन-तीन ओळीत मैना कशी आहे हे प्रत्येकाला समजलंय, पण या मैनाला पाहण्यासाठी गेले कित्येक दिवस प्रेक्षक आतुर होते. अखेर, ती मनाची राणी, जी गाते मर्जिची गाणी अशी निराली मैना प्रेक्षकांपर्यंत पोहचलेली आहे एका नव्या गाण्याच्या माध्यमातून ज्याचे नाव आहे ‘माझी मैना’. साईरत्न एंटरटेनमेंटचं ‘माझी मैना’ गाणं प्रेक्षकांच्या भेटीला! तर ही मैना म्हणजे सर्वांची लाडकी अभिनेत्री मोनालिसा बागल (Monalisa Bagal). मोनालिसा आता एका वेगळ्या गाण्यात दिसणार आहे आणि तिच्याबरोबर या अल्बममध्ये दिसेल AJ.
अधिक वाचा – छोरी’चा येणार सीक्वल, लवकरच उलगडणार पुढील कथानक
माझी मैना गाणे झाले प्रदर्शित
साईरत्न एंटरटेनमेंट प्रस्तुत, सुरेश गाडेकर निर्मित आणि संदेश गाडेकर सहनिर्मित ‘माझी मैना’ हे मराठी गाणं नुकतेच प्रदर्शित झाले आहे. या गाण्यातील मैना आहे अभिनेत्री मोनालिसा बागल आणि जो मैनेचं प्रेमाने आणि मनापासून कौतुक करतोय तो आहे AJ (Oye Its Prank). या गाण्याच्या निमित्ताने मोनालिसा आणि AJ ही नवीन जोडी पाहायला मिळणार आहे. मोनालिसाने आतापर्यंत वेगवेगळ्या पठडीतील भूमिका साकारल्या आहेत, या गाण्याच्या निमित्ताने पण ती सोज्वळ, गोड अशा भूमिकेत दिसणार आहे. त्यापेक्षा असं म्हणा की, ती ख-या आयुष्यात जशी आहे तशीच या गाण्यात दिसणार आहे. ‘माझी मैना’ गाण्याचे दिग्दर्शन शुभम गोणेकर याने केले असून संगीत दिग्दर्शनाची जबाबदारी अमोल दाते आणि नितिन कुटे यांनी पेलली आहे. “दिलफेल सारे मागे माझ्या माझ्या दिलाचा तू रं राजा…. ती सोळा वर्षाची कोवळ्या स्पर्शाची चांदन माखून आली” गाण्याच्या या सुंदर ओळी आणि अर्थात संपूर्ण गाणं ऐकायला फार सुरेख वाटतं त्याचे कारण म्हणजे या गाण्याला लाभलेला आवाज. गायिका योगिता गोडबोले आणि गायक नितिन कुटे यांनी हे डुएट गाणं गायलं आहे. या गाण्यात शब्दांची सुंदर रचना, कानाला ऐकावेसे वाटतील असे गोड शब्द प्रशांत तिडके आणि नितिन कुटे यांनी मिळून लिहिले आहेत. नागेश नितरुडकर आणि राहुल धांडेकर हे या गाण्याचे डीओपी आहेत तर विनित गाडेकर आणि विराज गाडेकर यांनी प्रॉडक्शन हेड म्हणून काम पाहिले आहे.
अधिक वाचा – ” A फक्त तूच’ चित्रपटात ऋषिकेश वांबुरकर महत्त्वपूर्ण भूमिकेत
निराळी आहे मैना
निराळ्या अशा मैनेच्या प्रेमात पडण्यासाठी आणि तिच्यावर प्रेमाचा वर्षाव करण्यासाठी हे गाणं प्रेक्षकांनी नक्की ऐकायला हवं. मोनालिसा सध्या वेगवेगळ्या प्रोजेक्टवर काम करत आहे. एकीकडे ऐतिहासिक चित्रपटातील भूमिका सध्या मोनालिसा चित्रीकरण करत आहेत तर दुसरीकडे मोनालिसाचं हे नवं गाणं येत आहे. प्रेक्षकांच्या मनात नक्कीच मोनालिसाने एक वेगळं स्थान निर्माण केलं आहे. मोनालिसाचा गोडवा या गाण्यातदेखील उतरला आहे. त्यामुळे या गाण्याला प्रेक्षकांचाही चांगलाच प्रतिसाद मिळत असल्याचे दिसून येत आहे. तर आता मोनालिसा अजून कोणत्या नव्या प्रोजेक्टमध्ये दिसणार याचीही उत्सुकता ताणली गेली आहे.
अधिक वाचा – फॅन्ड्रीची शालू होतेय दिवसेंदिवस बोल्ड, बघा तिचा ग्लॅमरस अंदाज
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
