प्रत्येक नववधूसाठी लग्नसोहळा ही एक खास गोष्ट असते. लग्नसोहळ्यात तिचं रूप नेहमीपेक्षा अधिक खुलून येतं. या रूपात भर घालतात ते तिचं वधूवस्त्र आणि केशभूषा. लग्नात प्रत्येकीला काहीतरी वेगळी आणि हटके नवरीची हेअर स्टाईल (navari look hairstyle) हवी असते. पूर्वीच्या काळी नववधूला डोक्यावरून पदर घ्यावा लागायाचा ज्यामुळे तिची हेअरस्टाईल फारशी दिसायची नाही. ज्यामुळे मग लग्नकार्यात पारंपरिक अंबाडा अथवा वेणीची हेअरस्टाईल केली जायची. मात्र आता काळ बदलला आहे. हळदी समारंभापासून लग्नाच्या रिसेप्शनपर्यंत निरनिराळ्या विधींसाठी नववधूला हेअरस्टाईल करता येते. आम्ही तुम्हाला सध्याच्या ट्रेंडनुसार काही आकर्षक हेअरस्टाईल सूचवत आहोत. ज्या तुम्ही तुमच्या लग्नसोहळ्यासाठी नक्कीच ट्राय करू शकता. या हेअरस्टाईल पाहून लग्नसोहळ्यात सहभागी झालेल्या इतर महिला तुमच्या रूपाकडे नक्कीच पाहातच राहतील. कारण लग्नसोहळ्यात सर्वाचं लक्ष असतं ते वधू आणि वरांकडे. त्यांनी कोणता पेहराव घातला आहे, लग्नाची थीम काय आहे याचीच लग्नात चर्चा असते. म्हणूनच प्रत्येक नववधूला तिची साडी अथवा लेंगा, मेकअप आणि हेअरस्टाईल सर्वात आकर्षक आणि हटके असावे असं वाटत असतं. आम्ही शेअर केलेल्या लग्नसोहळ्यात ट्राय करता येतील अशा या काही पारंपरिक, आधुनिक, हटके नवरीची हेअर स्टाईल (Marathi Navari Hairstyle) तुमचं लक्ष नक्कीच वेधून घेतील
नवरीसाठी अंबाडा हेअरस्टाईल (Bridal Bun Hairstyle)
जर तुम्ही पारंपरिक नऊवारी साडी अथवा लेंगा परिधान करणार असाल तर त्यावर अंबाडा हेअरस्टाईल नवरीला (navari look hairstyle) नक्कीच चांगली दिसेल.
पारंपरिक अंबाडा (Traditional Bridal Bun)
लग्नाच्या दिवशी सकाळी हळदी समारंभ आणि लग्नाच्या सप्तपदींच्या विधीसाठी बऱ्याचदा वधुवस्त्र हे पिवळ्या रंगाचे परिधान केले जाते. या विधींसाठी जर तुम्ही पिवळ्या रंगाची नऊवारी नेसणार असाल तर तुमची हेअरस्टाईल पारंपरिकच ठेवा. कारण त्यामुळे तुमचा लुक अगदी परफेक्ट दिसेल. अशा विधींना पारंपरिक टच देणारा अंबाडा हेअरस्टाईल नक्कीच खुलून दिसेल. यासाठी फक्त केसांचा पोनीटेल बांधून केस वरच्या दिशेने गुंडाळा आणि त्याचा मानेवर एक अंबाडा बांधा. अंबाडा हेअर पिन लावून सेट करा आणि त्यावर गजरे लावा. तुमची हेअरस्टाईल तयार झाली. अशा अंबाड्यावर भरपूर मोगऱ्याचे गजरे खूप छान दिसतात. शिवाय लग्नात घाई असेल तेव्हा ही हेअरस्टाईल करणं खूप सोयीचं ठरतं.
केसांचा अंबाडा आणि मोगरा (White Flower Bun)
नववधूच्या केसांमध्ये ताज्या फुलांची सजावट नेहमीच खुलून दिसते. कारण त्यामुळे तिच्या आजूबाजूचे वातावरण नकळत प्रसन्न आणि प्रफुल्लित होते. लग्नकार्यात मोगरा जास्त खुलून दिसतो. कारण मुळातच नववधूचे कपडे हे पारंपरिक हिरवा, पिवळा, लाल अशा रंगातील असतात. अशा वेळी पांढराशुभ्र मोगरा तुमच्या लुकमध्ये छान रंगत आणतो. यासाठी मानेवर केसांचा एक बन म्हणजेच अंबाडा बांधा. तुम्ही भांग काढून केसांचे दोन भाग करू शकता. दोन्ही बाजूचे पुढून थोडे सैलसर बांधत संपूर्ण केसांचा मानेवर अंबाडा घाला. त्यावर मोगऱ्याच्या पांढऱ्या शुभ्र केसांची सजावट करा.
केसांचा अंबाडा आणि लाल फुल (Red Flower Bun)
साखरपुड्याच्या दिवशी नेमकी काय हेअरस्टाईल करावी असा प्रश्न जर तुम्हाला पडला असेल तर मुळीच चिंता करू नका. साखरपुड्याच्या पारंपरिक साडीवर मोगरा आणि गुलाबाच्या फुलांपासून तुम्ही अगदी सोपी आणि साधी हेअरस्टाईल करू शकता. कोणत्याही पारंपरिक लुकवर ही हेअरस्टाईल अगदी छानच दिसेल. यासाठी केसांचे पुढच्या दिशेने भांग पाडून दोन भाग करा. पुढील केसांच्या बटा गुंडात मागच्या दिशेने पिन अप करा आणि संपूर्ण केसांचा छान अंबाडा बांधा. त्यावर मोगऱ्याचा गजरा गुंडाळा आणि अंबाड्याचा पुढील भाग लाल गुलाबाच्या पाकळ्या आणि पांढरे शुभ्र लहान मोती घालून टाचणीने पिनअप करा.
ग्रेसफुल अंबाडा (Graceful Braided Bun)
जर तुमचे केस लहान असतील आणि तुमच्या केसांचा छान मोठा अंबाडा येत नसेल तर हा ग्रेसफुल अंबाडा तुमच्या सौंदर्यात नक्कीच भर घालेल. आजकाल मार्केटमध्ये विविध प्रकारच्या तयार बन हेअरस्टाईल विकत मिळतात. तुम्ही तुमच्या हेअरस्टायलिस्टचा सल्ला घेत तुमच्या पेहरावाप्रमाणे छान अशा एका बनची निवड करू शकता. हेअर स्टाईल करताना वरच्या अर्ध्या केसांची दोन्ही बाजून मेसी हेअरस्टाईल अथवा वेणी घालून घ्या आणि मानेवर हा रेडिमेड बन पिनअप करा. अशा हेअर स्टाईलवर हेअर एक्सेसरिज अथवा रंगसंगतीला साजेसे फुलही खुलून दिसेल.
क्लासिक ब्रायडल बन (Classic Bridal Bun Hairstyle With Flowers)
पारंपरिक अंबाड्याला जर तुम्हाला स्टायलिश लुक द्यायचा असेल तर तुम्ही ही क्लासिक बन हेअर स्टाईल नक्कीच ट्राय करू शकता. यासाठी तुम्हाला तुमच्या केसांचा नेहमीप्रमाणे अंबाडा घालायचा आहे अथवा केस लहान असल्यास छान गोलाकार शेप असलेला रेडिमेड बन पिन अप करायचा आहे. मात्र या अंबाड्याभोवती पांरपरिक फुलं अथवा मोगऱ्याचा, अबोलीचा गजरा न गुंडाळता. थोडी वेगळी स्टाईल करायची आहे. आजकाल ब्रायडल हेअरस्टाईलसाठी ताज्या आणि निरनिराळ्या फुलांची स्टाईल केली जाते. तुम्ही तुमच्या पेहरावानुसार रंगीत फुलं यासाठी निवडू शकता. ऑर्किडची निरनिराळ्या रंगाची फुलं तुम्ही यासाठी निवडू शकता. रंगसंगती उत्तम जमली तर ही हेअरस्टाईल तुमच्यासाठी अगदी युनिक ठरेल. खास कार्यक्रमांसाठी घरीच करा अशी ‘अंबाडा’ हेअरस्टाईल (Ambada Hairstyles In Marathi)
नवरीसाठी रिसेप्शन हेअरस्टाईल (Marathi Navari Reception Hairstyle)
लग्नानंतर रिसेप्शन म्हणजेच स्वागत समारंभही असतो. या कार्यक्रमासाठी तुम्ही थोडी स्टायलिश हेअरस्टाईल ट्राय करू शकता.
ओपन हेअर ब्रायडल लुक (Open Hair Bridal Look)
रिसेप्शनला नेहमी ब्रायडल गाऊन, स्टायलिश लेंगा अशी वेशभूषा केली जाते. त्यामुळे अशा पेहारावासोबत पांरपरिक हेअर स्टाईल शोभून दिसत नाहीत. अशावेळी मोकळ्या केसांची एखादी हेअरस्टाईल जास्त छान दिसते. जर तुमचे केस घनदाट आणि मोठे असतील तर तुमच्यावर ही हेअर स्टाईल नक्कीच खुलून दिसेल. पण जर तुमचे केस लहान असतील तर तुम्ही हेअर एक्सटेंशन वापरून केस स्टायलिश करू शकता. ब्रायडल लुकसाठी विविध प्रकारच्या तयार हेअर स्टाईल मिळतात. वरच्या बाजूच्या अर्ध्या केसांची हेअरस्टाईल करत तुम्ही बाकीचे केस मोकळे सोडू शकता. अशा हेअर स्टाईलवर नाजूक हेअर एक्सेसरिज जास्त छान दिसतात.
लॉंग कर्ल्स विथ फ्लॉवर (Long Curls With Fresh Florals)
लग्न आणि रिसेप्शन एकाच दिवशी असेल तर तुम्हाला रिसेप्शनसाठी तयार व्हायला मुळीच वेळ मिळत नाही. सहाजिकच वेळेअभावी खूप वेळकाढू हेअरस्टाईल न करणंच फायद्यासाठी ठरतं. अशावेळी फार काही न करता तुमचे केस कर्लरने कर्ली करून त्यामध्ये फुलांची सजावट करू शकता. जर लग्नातील विधी आणि पारंपरिक लुकमुळे तुम्ही कंटाळला असाल तर रिसेप्शनला हा लुक नक्की ट्राय करा. कारण झटपट होणारा आणि हटके दिसणारा हा एक छान ब्रायडल लुक आहे. यासाठी तुम्हाला तुमचे वरचे अर्धे केस पफप्रमाणे पिन अप करून केसांचा वरचा भाग फुलांनी सजवायचा आहे.मात्र या हेअरस्टाईल साठी अगदी नाजूक फुलं अथवा हेअर एक्सेसरिज निवडा.
मेसी थिक पोनी (Messy Thick Pony)
कोरोनाच्या काळात ज्यांचे लग्न झाले त्या नववधूंना स्वतःची तयारी लग्नात स्वतःच करावी लागली होती. कारण सोशल डिस्टसिंगमुळे लग्नात मेकअप आर्टिस्ट आणि हेअर स्टायलिस्ट अशी टिम वगैरे येणं शक्यच नव्हतं. या काळात ज्यांची लग्न ठरत आहेत. त्यांच्यासाठी ही ब्रायलड हेअरस्टाईल अगदी वरदान ठरली होती. कारण ती कुणीपण स्वतःची स्वतः नक्कीच करू शकतं. यासाठी तुम्हाला केस कर्ल करून केसांचा एक मेसी पोनी बांधायचा आहे. हा पोनी केसांच्या कर्ली बटांनी झाकून मग त्यावर छान साईड हेअर एक्सेसरिज लावायची आहे. केसाची एक बट पुढच्या दिशेने सोडून मस्त झटपट तयार होण्यासाठी ट्राय करा हा मेसी पोनीटेल
मिडल पार्टेड हेअर स्टाईल (Middle Parted Hairstyle)
कॉमेडअन सुंगधा मिश्राहा ब्रायडल लुक पाहा. किती गोड दिसत आहे यामध्ये सुंगधा. सुंगधाने तिच्या मेंदी समारंभासाठी हा लुक केला होता. यामध्ये तिने केस सेट करत फक्त मध्ये भांग पाडला आहे आणि त्यात तिच्या ज्वैलरीला साजेसा मांगटिका लावला आहे. लग्नातील विविध विधींमध्ये केस बांधून ठेवणाऱ्या हेअर स्टाईल करण्याचा त्रास होत असेल तर एखाद्या विधीला ही हेअरस्टाईल ट्राय करायला विसरू नका.
क्लासिक कर्ल्स (Classic Curls)
रिसेप्शन गाऊनवर एक छान डिसेंट हेअरस्टाईल करायचा विचार करत असाल तर ट्राय करा ही क्लासिक कर्ल्स नक्की ट्राय करून पाहा. यासाठी तुम्हाला छान कर्ल्स सेट करायचे आहेत आणि वरच्या दिशेचे अर्ध्या केसांचा पफ बांधायचा आहे. मात्र कर्ल्ससोबत मॅच होण्यासाठी पफचे पिनअप करून उरलेले केस तीन भागात गुंडाळून वर पिन अप करा.. ज्यामुळे तुमच्या केसांना एक क्लासिक लुक मिळेल. साडी नेसल्यावर या ‘20’ हटके आणि ट्रेडिंग हेअरस्टाईल्स तुमच्यावर नक्कीच शोभून दिसतील (Hairstyles For Saree In Marathi)
नवरीसाठी खास वेणी हेअरस्टाईल (Bridal Braid Hairstyle)
वेणी हा केसांचा प्रकार जुनाच असला त्यात अनेक प्रकार आहेत जे ब्रायडल हेअर स्टाईलसाठी वापरले जातात. यासाठीच पाहा पंरपरिक खोपा पासून पफी फिशटेलपर्यंत वेणीच्या विविध हेअरस्टाईल
पारंपरिक खोपा हेअरस्टाईल (Traditional Khopa Hair Style)
पेशवाई खोपा ही पारंपरिक हेअरस्टाईल लग्नकार्यातील विधींमध्ये नक्कीच शोभून दिसते. कारण लग्नात नेहमी नऊवारी साडी नेसली जाते अशा पेहरावासोबत पांरपरिक खोपा घातल्यामुळे चेहऱ्याला एक राजेशाही आणि भारदस्त लुक येतो. मुळात खोपा घालणं ही एक अतिशय सोपी हेअर स्टाईल असण्यामुळे लग्नात तयारी करण्यास वेळ लागत नाही. यासाठी मानेवर साधी वेणी बांधून ती बाहेरच्या दिशेने गुंडाळत त्याचा वर खोपा घातला जातो. अशा खोप्यावर पारंपरिक फुल अथवा चंद्रकोरीच्या हेअर एक्सेसरिज छान दिसतात.
साईड ब्रेड विथ हेअर एक्सेसरीज (Side Braid With Hair Accessories)
मेंदी अथवा हळदी समारंभासाठी एखादी युनिक आणि हटके हेअर स्टाईल करणार असाल तर ही हेअर स्टाईल ट्राय करा. अशा समारंभांना नेहमी लेंगा घातला जातो. लेंग्यावर थोडा फ्युजन टच देणारी साईड ब्रेड हेअर स्टाईल खूप छान दिसेल. यासाठी तुम्हाला फक्त केस एकाच बाजूला घेत स्टायलिश वेणी घालायची आहे आणि तिला हेअर एक्सेसरिजने सजवायचे आहे.
पारंपरिक साधी वेणी (Simple Traditional Braid)
नवरीची साडी, मेंदी, हातातील हिरवागार चुडा आणि दागदागिने यामुळे तिचा लुक अगदी खुलून येत असतो. मात्र यात जर अशी पारंपरिक हेअरस्टाईल आणि केसामधील बिंदी असेल तर त्यामध्ये अधिकच भर पडू शकते. तेव्हा तुमच्या लग्नात हा लुक ट्राय करायला काहीच हरकत नाही. शिवाय भारतात घरातील सुनेला लक्ष्मीचं रुप मानलं जातं. लक्ष्मीच्या पावलाने नववधू नव्या घरात आगमन करते असं म्हटले जाते. त्यामुळे तुमचं नववधूचं रूपदेखील लक्ष्मीचं प्रतिक दर्शवणारं असेल तर. लग्नातील एखाद्या विधीत साऊथ इंडिअन सिल्कच्या साडीवर ही हेअरस्टाईल अगदी खुलून दिसेल. या हेअरस्टाईलमध्ये लांबसडक वेणी आणि त्यावर टेम्पल डिझाईनचे हेअर एस्केसरीज वापरून तुम्ही तुमचा लुक खुलवू शकता.
पारंपरिक वेणी आणि भरपूर गजरे (Traditional Braid With Flowers)
आजकाल लांबसडक केस असणं ही तर एक भाग्याचीच गोष्ट आहे असं म्हणावं लागेल. कारण धुळ, प्रदूषण, वातावरणात होणारे बदल, चिंता-काळजी याचा परिणाम नकळत तुमच्या केसांच्या वाढीवर होत असतो. मात्र निसर्गाने तुम्हाला लांबसडक केस दिले असतील तर ही वेणी हेअरस्टाईल तुमच्यावर अगदी खुलून दिसेल. शिवाय तुमच्या केसांची लांबी लहान असेल मात्र तुम्हाला लांब केसांची आवड असेल तर आर्टिफिशिअर हेअर एस्कटेंशन लावून तुम्ही ही हेअरस्टाईल लग्नसोहळ्यात करू शकता. मात्र अशा केसांवर भरपूर गजरे आणि फुलांची सजावट छान दिसते.
पफी फिशटेल ब्रेड (Puffy Fishtail Braid)
लग्नात अगदी पारंपरिक लुकपेक्षा काहीतरी वेगळा आणि हटके लुक हवा असेल तर हा लुक तुमच्यासाठी अगदी बेस्ट आहे. नाजूक हेअर एक्सेसरीज वापरून तुम्ही ही Braided Hairstyle लग्नात ट्राय करू शकता. साखरपुडा अथवा लग्नाच्या रिसेप्शनसाठी तुम्ही ही हेअरस्टाईल नक्कीच छान दिसेल. मात्र ही हेअरस्टाईल केल्यावर त्यावर नाजूर हेअर एक्सेसरिज अथवा छान गजरे लावायला विसरू नका. अशी करा लहान केसांची हेअर स्टाईल (Hairstyles For Short Hair)
आम्ही शेअर केलेल्या या नवरीसाठी हेअरस्टाईल तुम्हाला कशा वाटल्या आणि यातील कोणती ब्रायडल हेअर स्टाईल तुम्ही ट्राय केली ते आम्हाला कंमेट बॉक्समध्ये जरूर कळवा.
