नेहमीच चर्चेत असणारा शो म्हणजे बिग बॉस. यावर्षी हा शो टीव्हीपेक्षा काही आठवडे आधी OTT वर सुरू करण्यात आला आहे. याची धमाकेदार सुरूवात झाली असून यातील स्पर्धकांची ओळख करून देण्यात आली आहे. तर यासाठी निर्माता – दिग्दर्शक करण जोहर (Karan Johar) आपल्या अंदाजात निवेदन करत आहे. बिग बॉस आणि सलमान खान हे समीकरणच आहे. पण यावर्षी बिग बॉस अधिक महिने चालणार असून याची सर्वात पहिली सुरूवात ही ओटीटीवर करण्यात आली असून यामध्ये सर्व स्पर्धकांची धमाकेदार एंट्रीही झाली आहे. सर्वात लक्ष वेधून घेतलं आहे ते म्हणजे सध्या सर्वात जास्त प्रकरण गाजत असलेल्या राज कुंद्रा (Raj Kundra) ची मेहुणी अर्थात शमिता शेट्टीने (Shamita Shetty).
अधिक वाचा – अधांतरी’ लवकरच भेटीला, सिद्धार्थ चांदेकर, पर्ण पेठे, विराजस कुलकर्णी, आरोह वेलणकर करणार ‘हंगामा’,
स्पर्धक आहेत उत्सुक
बिग बॉसमध्ये जाणं म्हणजे जितकी प्रसिद्धी मिळते तितकीच तुम्हाला कुप्रसिद्धीसाठीही तयार असावं लागतं. यावर्षीच्या बिग बॉसमध्ये कोण कोण स्पर्धक येणार याची सर्वांनाच उत्सुकता होती. कारण यावर्षी हा शो थोड्या वेगळ्या धाटणीने साकारण्यात येत आहे. टीव्हीवर शो दाखवताना अनेक गोष्टींचे भान ठेवावे लागते. पण ओटीटी प्लॅटफॉर्मवर तसं होत नाही. याशिवाय तुम्हाल तुमच्या या स्पर्थकांना तुम्हाला हवं तेव्हा 24 तास पाहता येणार आहे. त्यामुळे टीव्ही सलमान खान घेऊन येईल त्याआधी हा शो ओटीटीवर सुरू करण्यात आला आहे. नुकतेच याचे लाँचिंग करण जोहरच्या उपस्थितीत झाले. करण जोहरच्या निवेदनाचा अंदाजही अनेकांना आवडतो. करण आपल्या विनोद स्वभावासाठीही प्रसिद्ध आहे. त्यामुळे स्पर्धकांची ओळख करून घेतानाही करणने अनेकांची आपल्या अंदाजात मजामस्करी केल्याचेही दिसून आले आहे. यावेळी स्पर्धक म्हणून शमिता शेट्टी, मराठमोळा पण तितकाच संवेदनशील कलाकार राकेश बापट, गायिका नेहा भासिन, टीव्ही सेन्सेशन आणि मागच्या वर्षीची स्पर्धक पवित्रा पुनियाचा एक्स बॉयफ्रेंड प्रतीक सहजपाल, अभिनेत्री आणि रोडीजसारख्या शो मधून आपले नाव कमावलेली दिव्या अगरवाल, टीव्हीवरील प्रसिद्ध सून रिद्धीमा पंडीत, इंटरनेट सेन्सेशन झीशान खान अशी मोठी यादी आहे.
अधिक वाचा – सिद्धार्थ मल्होत्रा आणि कियारा अडवाणीचं रोमॅंटिक फोटोशूट, चाहत्यांना आवडला अंदाज
प्रिमियरमध्ये मलायकाच्या डान्सचा तडका
बिग बॉस ओटीटीची वाट पाहणाऱ्या प्रेक्षकांची अखेर प्रतीक्षा संपली आहे. करण जोहरने आपल्या निवेदनाने या शो ची तुफान सुरूवात केली असून परम सुंदर गाण्यावर मलायका अरोराने डान्स परफॉर्मन्स देत प्रिमियरमध्ये तडका लावला आहे. मलायकाचा डान्स आणि स्पर्धकांची ओळख अशी अप्रतिम सुरूवात प्रिमियरला झाली असून आता ओटीटीमध्ये नक्की काय टास्क असणार आणि करण जोहर या स्पर्धकांसह कोणते वेगवेगळे खेळ खेळणार अथवा टीव्हीपेक्षा ओटीटीवर काय वेगळे दिसणार याकडेच सर्व चाहत्यांचे लक्ष लागून राहिले आहे. मलायकाचा हा डान्स व्हायरल होत असून गोल्डन साडीमध्ये ती खूपच सुंदर दिसत आहे. त्याआधी करण जोहरचा एक मजेशीर प्रोमो प्रसारित करण्यात आला होता. कभी खुशी कभी गममधील सिच्युएशनवर हा प्रोमो चित्रीत करण्यात आला असून प्रेक्षकांना हा प्रोमो चांगलाच भावला आहे. करण जोहरने आतापर्यंत अनेक शो होस्ट केले आहेत. त्यामुळे आता हा शो कसा असणार आणि करण जोहर यामध्ये काय तडका लावणार याबाबही अनेकांना उत्सुकता आहे.
अधिक वाचा – आणखी एक मराठी अभिनेत्री खूप वर्षांनी दिसणार छोट्या पडद्यावर
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक