home / Vastu
vastu shastra for home in marathi

घरात शांतता राहण्यासाठी वास्तु शास्त्र टिप्स मराठीत (Vastu Shastra Tips For Home In Marathi)

घरात प्रवेश करताना रितसर वास्तुशांती निमंत्रण पत्रिका देऊन वास्तूशांत केली जाते. मात्र बऱ्याचदा काही घरांमध्ये तुम्हाला सतत भांडणं असल्याचं जाणवतं. काही घरांमध्ये सुखशांती आणि समाधानाचा अंशही नसतो. अशावेळी आपल्याला काही वास्तूदोष असल्याचंही सांगण्यात येतं. पण तुम्हाला जर घरामध्ये सुखशांती राखायची असेल तर तुमच्या स्वभावासह तुमच्या घरातदेखील काही वास्तूबदल करावे लागतात. त्यासाठी नक्की काय उपाय करायचे असतात याबाबतीत बऱ्याच टिप्स असतात. घरात आणि आपल्या ऑफिसमध्ये अथवा आपल्या आजूबाजूला सुखशांती हवी असेल तर त्यासाठी वास्तूचे अनेक उपाय सांगण्यात आले आहेत. या सगळ्या उपायांमुळे नकारात्मक ऊर्जा नाहीशी होऊन वातारवण अधिक सकारात्मक बनवण्यास मदत मिळते. वास्तू नियमांप्रमाणे पूर्व आणि उत्तर ही दिशा अधिक उर्जात्मक आहे. त्यामुळे या दिशांना योग्य गोष्टी ठेवल्यास, आरोग्य, समृद्धी आणि इतर शक्तींचा विकास होतो. नक्की काय आहेत घरात सुखशांती राखण्यासाठी वास्तु शास्त्र टिप्स मराठीत (Vastu Shastra For Home In Marathi) जाणून घ्या – 

घरात सुखशांती राहण्यासाठी उपाय (Vastu Shastra Tips In Marathi For Home)

घरामध्ये सुखशांती राखून ठेवण्यासाठी आपण अनेक प्रयत्न करत असतो. त्यासाठी आपला स्वभाव, तडजोड या सगळ्या गोष्टी तर असतातच पण त्यासह आपल्याला साथ हवी असते ती वास्तूदोष हटवण्याची. त्यामुळे त्यासाठी काय टिप्स फॉलो करायच्या हे जाणून घेऊया – 

घराचे दार दक्षिणमुखी नसावे (Door Should Not Face South)

दक्षिणमुखी दार

vastu shastra in marathi

आपण बऱ्याचदा ही गोष्ट ऐकतो. पण याचं नक्की कारण काय हे आपल्याला माहीत नसतं. खरं तर हिंदू संस्कृतीनुसार मृत व्यक्तीचे पाय हे दक्षिण दिशेला करून ठेवले जातात. त्यामुळे दक्षिण बाजूला नकारात्मक ऊर्जा असते असं म्हटलं जातं. म्हणूनच कोणत्याही घराचं दार हे दक्षिणमुखी नसावं असंही सांगण्यात येतं. जर तुमचं दार दक्षिण बाजूला असेल तर त्याला पर्याय म्हणून तुम्ही त्याच दाराच्या समोर मोठा आरसा लावू शकता ज्यामुळे घरात नकारात्मक ऊर्जा प्रवेश करू शकणार नाही. 

वाचा – Home Names In Marathi

लाकडी वस्तू ठेवाव्यात (Keep Wooden Items)

लाकडी वस्तू

vastu tips in marathi

तुम्ही तुमच्या घर अथवा ऑफिस अथवा तुमच्या शो रूममध्येही पूर्व दिशेला लाकडी फर्निचर अथवा लाकडाने बनवलेल्या कोणत्याही वस्तू ठेवल्यात. उदाहरणार्थ सामान ठेवण्यासाठी वॉर्डरोब, शो पीस, लाकडी फ्रेममधील फोटोज तर यामुळे तुम्हाला सकारात्मक ऊर्जा घरामध्ये मिळते असं म्हटलं जातं. लाकडी वस्तू या घराला शोभाही देतात आणि बघायलाही प्रसन्न वाटतं त्यामुळे या गोष्टींचा उपयोग करावा. 

सूर्यप्रकाश अधिक येईल अशा खिडक्या असाव्यात (Windows To Bring Sunlight)

खिडक्या

vastu shastra marathi

घराच्या खिडक्या आणि दारं अशा ठिकाणी तुम्ही करून घ्यावीत जिथून तुमच्या घरामध्ये सूर्यप्रकाश अधिक येईल आणि घरात हसतंखेळतं वातावरण राहील. घरात सतत अंधार आल्यास अधिक प्रमाणात आजार निर्माण होतात. पण हेच जर अधिक आणि व्यवस्थित सूर्यप्रकाश सतत घरात येत असेल तर तुमच्या घरातील आजारपण दूर होऊन घरात सुखशांती आणि समाधान टिकून राहण्यास मदत होते. शिवाय घरातल्या प्रत्येक रूममध्ये किमान एकतरी खिडकी असावीच याकडे लक्ष द्या. 

घराच्या मुख्य दरवाजाजवळ शौचालय नसावं (No Toilet Near The Main Door)

घराचा मुख्य दरवाजा म्हणजे घरात सकारात्मक शक्ती येण्याचा मार्ग. शौचालय हे सहसा आपल्या आरोग्यासाठी चांगलं मानण्यात येत नाही. त्यामुळे घरात सकारात्मक ऊर्जा येण्यासाठी तुमचं शौचालय हे घराच्या आतल्या बाजूला एखाद्या कोपऱ्याजवळ असणं अपेक्षित आहे. कधीही घरात प्रवेश करणार असलेल्या दरवाजाजवळ शौचालय बांधून घेऊ नये. त्यामुळे घरात सतत नकारात्मक ऊर्जेचा प्रभाव राहातो. 

झोपण्याच्या खोलीत झाडं लावू नयेत (No Trees In Bedroom)

कधीही तुमच्या झोपण्याच्या खोलीमध्ये झाडं लावणं योग्य नाही. याचं सर्वात महत्त्वाचं वास्तूनुसार आणि विज्ञानानुसारही कारण म्हणजे झाडं ही रात्री कार्बनडाय ऑक्साईड सोडत असतात. त्याचा आपल्या शरीरावर विपरीत परिणाम होऊन आजारी पडण्याची भीती असते. आपल्याला रात्री झोपताना चांगल्या ऑक्सिजनची गरज भासते. मग असताना झाडं जर झोपण्याच्या खोलीत असतील तर नकारात्मक ऊर्जा पसरून तुम्ही आजारी पडू शकता. त्यामुळे सहसा झोपण्याच्या खोलीत तुम्ही झाडं अर्थात रोपटीही लावू नका. 

तणाव कमी करण्यासाठी घरात चंदनाची अगरबत्ती लावा (Sandalwood To Reduce Stress)

चंदनाची

वास्तु शास्त्र मराठी

खरं तर अगरबत्तीच्या सुवासाने संपूर्ण घरात सुगंध पसरतो. त्यातही चंदन हे अँटिऑक्सिडाईज्ड असतं आणि त्याचा आपल्या शरीराला चांगला फायदाच मिळतो. त्यामुळे घरातलं वातावरणही सुगंधी आणि प्रसन्न राहतं. सहसा अशा आनंदी वातावरणात कोणालाही भांडण करावंसं वाटणार नाही. त्यामुळे नियमित तुम्ही मानसिक तणावपासून दूर राहण्यासाठी घरात चंदनाची अथवा तुमच्या आवडीची कोणतीही अगरबत्ती संध्याकाळच्या वेळी लावा. तुम्हाला हवी असल्यास, दिवसातून दोनवेळादेखील तुम्ही याचा वापर करू शकता. यामुळे तुमचा तणाव कमी होऊन शांतता मिळते. 

बेडरूमध्ये आवाज होणाऱ्या वस्तू ठेवू नका (Avoid Items That Make Noise In Bedroom)

तुमच्या बेडरूम अशी कोणतीही वस्तू नसावी ज्यामुळे आवाज होईल. जसं रेडिओ, टीव्ही किंवा कोणतेही वाद्य यंत्र. यामुळे आर्थिक समस्या, मानसिक तणाव, आजारपण इत्यादी समस्या निर्माण होतात. आपल्या बेडरूममध्ये अशा ठिकाणी विंडचाइम लावावे जिथून हवा येत असेल. विंडचाईमचा मधूर आवाज कानावर पडल्याने तुम्हाला एक आनंद मिळतो आणि तणाव कमी होतो. तसंच घरातील वातावरणसुद्धा सकारात्मक आणि उत्साही राहण्यास मदत मिळते.  

यशस्वी आयुष्यासाठी फॉलो करा ‘या’ गुडलक वास्तू टीप्स  

तुमच्या बेडच्या समोर असेल आरसा तर त्वरीत जागा बदला (Mirror Should Not Be In Front Of Bed)

बेडच्या समोर कधीही आरसा नसावा. यामुळे समाजात बदनामी होण्याची सदैव चिंता राहते. वास्तुशास्त्रानुसार, सकाळी उठल्यावर सर्वात आधी आरसा बघू नये. जर तुम्ही असं केलंत तर दिवसभर तुमच्याबरोबर चुकीच्या गोष्टी होतील. ज्या तुम्हाला अतीव दुःख होईल. त्यामुळे सकाळी उठल्यावर असा एखादा फोटो बघा ज्याने तुम्हाला सकारात्मक उर्जा मिळेल. असं जर होणार नसेल तर सकाळी उठल्यानंतर तुम्ही किमान ५ मिनिट्स मेडिटेशन करा. 

भांडण नको असेल तर दरवाजासमोर नका ठेवू बेड (Avoid Placing Bed In Front Of The Door)

तुमची बेडरूम अशी असावी की जेणेकरून येणाऱ्या पाहुण्यांना तुमचा बेड थेट दिसणार नाही. जर दरवाजासमोर बेड असेल त्याला थोड शिफ्ट करा. नाहीतर वास्तुदोषामुळे दांपत्याच्या जीवनात समस्या निर्माण होऊ शकतात. जर तुमची रूम छोटी असेल आणि बेड शिफ्ट करता येणार नसेल तर पडदा लावावा. 

घराबाहेर ठेवा हत्तीची मूर्ती (Place Elephant Idol Outside House)

हत्तीची मूर्ती

vastushastra home plan in marathi

आपल्या घराच्या मुख्य दरवाज्याबाहेर हत्तीच्या जोडीची मूर्ती ठेवा आणि घराबाहेर पडताना ती बघून निघा. यामुळे तुमचं गुडलक नेहमी कायम राहील आणि घर सुरक्षित राहील. तसंच कोणत्याही प्रकारची नकारात्मक ऊर्जा तुमच्या घरात प्रवेश करणार नाही.

घरात कधीही दोनवेळा केर काढू नका (Don’t Take Out Litter Twice)

दोनवेळा केर काढू नका

sampurna vastu shastra in marathi

आपल्याकडे शहरात प्रदूषण आणि धूळ सतत असते. त्यामुळे घर स्वच्छ ठेवण्यासाठी आपण सतत कचरा काढत असते. पण घरात भांडणं नको असतील तर सतत लक्षात ठेवा, घरात कधीही दोन वेळा केर काढू नये किंवा लादी पूसू नये. एकदाच केर-लादी केल्याने नकारात्मक ऊर्जा दूर होते. पण दुसऱ्यांदा अर्थात सतत केरकचरा काढत राहिल्यास, सकारात्मक ऊर्जा घरातून निघून जाते. 

घरात सुखसमाधानासाठी उठा उत्तर – पूर्व दिशेला (Head Of The Bed Should Be In The North – East Direction)

जेव्हा तुम्ही झोपायला जाता तेव्हा डोकं अशा दिशेला असावं की जेणेकरून तुम्ही जागे व्हाल तेव्हा तुम्ही उत्तर-पूर्व दिशेला असेल. कारण या दिशेला कुबेराचा वास असतो असं सांगण्यात येतं आणि असं केल्याने तुमच्या घरातील सुख-समृद्धीही वाढेल. कुबेर अर्थात संपत्ती त्यामुळे तुम्हाला कुबेर प्रसन्न होऊन तुमच्या घरातील सुखसमाधान टिकून राहण्यास मदत होते. 

बाथरूमध्ये बादली रिकामी ठेवणं अपयशाचं लक्षण (Don’t Keep Empty Bucket In The Bathroom)

जर घरातील कोणी व्यक्ती महत्त्वाच्या कामासाठी बाहेर जाणार असेल तर लक्षात ठेवा की, बाथरूममध्ये एकही बादली रिकामी ठेऊ नका. प्रत्येक बादली पाण्याने भरलेली असली पाहिजे. बाथरुममध्ये शक्यतो निळ्या रंगाच्या बादल्याचा वापर करावा. बाथरूममध्ये निळा रंग वापरण चांगलं मानलं जातं. वास्तूशास्त्रानुसार बाथरुममध्ये नेहमी एक तरी निळ्या रंगाची बादली स्वच्छ पाण्याने भरून ठेवलेली असावी. असं केल्याने तुमचं गुडलक नेहमी चांगलं राहील आणि यशही मिळेल. यश मिळाल्यास, चिडचिड होणार नाही आणि घरातही शांतता टिकून राहील. 

या चुकीच्या दिशा टाळा (Kitchen Should Be In South East Direction)

या चुकीच्या दिशा टाळा

vastu shastra for home construction in marathi

जर तुम्ही घर घेण्याच्या विचारात असाल किंवा घरात इंटरिअरप्रमाणे बदल करणार असाल तर लक्षात ठेवा की, स्वयंपाकघर बनवताना ते नेहमी दक्षिण-पूर्व दिशेला असावं. जर त्या दिशेला बनवणं शक्य नसल्यास उत्तर-पश्चिम दिशेला बनवून घ्या आणि स्वयंपाकघराचा दरवाजा उत्तर किंवा उत्तर-पूर्व दिशेला बनवा. वास्तूशास्त्रानुसार या दिशांना स्वयंपाकघर न केल्यास कुटुंबात सतत भांडणं होण्याची शक्यता असते. त्यामुळे तुमचं स्वयंपाकघर नक्की कोणत्या दिशेला आहे ते नीट तपासून घ्या. 

स्वयंपाकघरात अथवा जवळ नसावा देव्हारा (Devara Should Not Be In Or Near The Kitchen)

स्वयंपाकघरात अथवा जवळ नसावा देव्हारा

sampurna vastu shastra in marathi

आपल्याकडे बऱ्याच जणांच्या घरात स्वयंपाकघरातच देव्हारा असतो. पण वास्तुशास्त्र नेमकं याच्या उलट सांगतं. वास्तूनुसार, स्वयंपाकघरामध्ये किंवा जवळ कधीही देव्हारा असू नये. यामुळे घरातील लोकांच्या रागात वाढ होते. तसंच आरोग्यनिगडीत समस्याही वाढतात. त्यामुळे शक्य असल्यास देव्हारा तुम्ही तुमच्या स्वयंपाकघरापासून दूर ठेवा आणि घराच्या हॉलमध्ये अथवा अन्य ठिकाणी तुम्ही हा देव्हारा करून घ्या.

घरात सुखशांती राखण्यासाठी पाळा हे नियम (Do’s And Don’ts For Peaceful Home)

घरात शांतता राहण्यासाठी उपाय

home vastu shastra in marathi

  • घरावर लक्ष्मीची कृपा तेव्हाच होईल जेव्हा तुम्हाला तुमच्या भाग्याचीही साथ मिळेल. यासाठी काही नियमांचं पालन करणं आवश्यक आहे. रोज घरातील पहिली पोळी किंवा शेवटी उरलेली पोळी गाय किंवा कुत्र्याला खाऊ घाला. असं केल्याने तुमचा भाग्योदय होईल आणि ज्या कामात तुम्ही भाग घ्याल त्यातही यश मिळेल.  
  • जर तुमच्या किचनमधला एखादा नळ किंवा पाईप गळत असेल तर तो ताबडतोब रिपेअर करून घ्या किंवा बदलून घ्या. वास्तुशास्त्रानुसार, पाणी वाहणं हे पैशांची चणचण जाणवण्याचं कारण असू शकतं. पैशाची चणचण जाणवू नये यासाठी वास्तू टिप्स असतात याशिवाय किचनमधील कचराकुंडी ही नेहमी उत्तर-पश्चिम दिशेला असावी. यामुळे घरात सुख शांती कायम राहते.
  • प्रत्येक गृहिणीच्या दैनंदिन वापरातली गोष्ट म्हणजे तवा. पण तुम्हाला माहीत आहे का, या तव्याबाबतही वास्तूशास्त्रात सांगण्यात आलं आहे. रात्री जेवण बनवून झाल्यावर तवा नेहमी धुवून ठेवा. जेव्हा तव्याचा वापर करायचा नसेल तेव्हा तो अशा ठिकाणी ठेवा जिथे त्यावर सहसा नजर पडणार नाही. तसंच तवा आणि कढई कधीही उलटी ठेवू नये. कारण तवा उलटा ठेवल्याने घरात नकारात्मक उर्जेचा संचार होतो.
  • साधारणतः मुंबईतल्या प्रत्येक घरात स्वयंपाकघर आणि बाथरूम हे लांबलांबच असतं. त्यामुळे ही समस्या जाणवणार नाही. पण वास्तूमध्येसुद्धा ही बाब अधोरेखित करण्यात आली आहे की, बाथरुम आणि स्वयंपाकघर कधीही जवळजवळ असू नये. यामुळे घरांमध्ये आरोग्यासंबंधी समस्या जाणवू शकतात. म्हणूनच स्वयंपाकघर हे नेहमी बाथरूमपासून लांब असावं.
  • असं म्हणतात की, लक्ष्मीचा वास तिथेच असतो जिथे स्वच्छता असते. त्यामुळे लक्षात ठेवा की, ईशान्य कोपरा म्हणजेच पूर्व-उत्तर दिशा नेहमी रिकामी ठेवा आणि तिथे खासकरून स्वच्छता ठेवा. शक्य असल्यास तुमचं देवघरही त्याच कोपऱ्यात बनवून घ्या. यामुळे घरात येणाऱ्या लक्ष्मीमध्ये अडथळा निर्माण करणारे दोष दूर होतील.
  • सकाळी आणि संध्याकाळच्या प्रहराला वास्तू शास्त्रात शुभ मानले जाते. त्यामुळे सकाळी आणि संध्याकाळी घराचा मुख्य दरवाजा शक्य असल्यास उघडा ठेवावा. घराच्या आतल्या भागात येणाऱ्या सूर्यकिरणांच्या मार्गही मोकळा ठेवावा. ताजी हवा आणि सूर्याच्या किरणांमुळे घरातील अनेक दोष दूर होतात आणि घरात सदैव लक्ष्मीचा वास कायम राहतो. तसंच उत्पन्नाचे मार्गही खुले होतात.
  • नोकरी करणाऱ्यांच्या घरी अक्वेरियम असणं नेहमी शुभ मानलं जातं. जर तुम्हाला अक्वेरियम आणून त्याची देखभाल करणं शक्य नसेल तर एखादा रंगीबेरंगी माशांच्या फोटो किंवा शो-पीसही तुम्ही ठेऊ शकता. असं म्हणतात की, एक्वेरियमच्या आत वाहणाऱ्या पाण्याच्या आवाजाने घरात सकारात्मक उर्जेचा प्रवाह निर्माण होतो. ज्यासोबतच घरातील धन संपन्नता आणि खुशालीही वाढते.  
  • आजकालच्या आधुनिक काळात  बेडरूममध्ये बूट-चपला ठेवण्याचीही जागा असते. ते योग्य नाही. झोपण्याच्या खोलीत कधीही बाहेर घालण्याची चप्पल किंवा बूट ठेऊ नये. ह्यामुळे आरोग्यावर वाईट परिणाम होतो. यासाठी प्रयत्न करा की, तुमच्या बेडरूमबाहेर बूट-चपला ठेवायची वेगळी जागा असावी
  • चूकूनही कधी बेडच्या आसपास खाण्याची कोणतीही वस्तू ठेऊ नका किंवा बेडरूममध्ये खाऊ ही नका. कारण हे दारिद्रयाचं लक्षण आहे. जेवण नेहमी किचन किंवा डायनिंग एरियामध्ये बसून स्वच्छ जागी जेवावं.
  • बेडरूममध्ये कपडे ठेवायचं कपाट हे उत्तर- पश्चिम किंवा दक्षिण दिशेला असावं.
  • बेडरूममध्ये कोणत्याही प्रकारचं इलेक्ट्रॉनिक सामान असल्यास ते खोलीच्या दक्षिण- पूर्व कोपऱ्यात ठेवावं.
  • बेडरूममध्ये कोणत्याही प्रकारच्या मुद्द्यावर चर्चा करू नये. कारण ही खोली प्रेम आणि आराम करण्यासाठी आहे. भांडण किंवा वाद करण्यासाठी नाही.
  • बेडरूमच्या भिंती कोणत्याही प्रकारे तोडफोड झालेल्या नसाव्या. यामुळे दोन प्रेम करणाऱ्या व्यक्तींच्या आयुष्यातही दुरावा येण्याची शक्यता असते.
  • वास्तूनुसार, सिंकची जागा कधीही गॅसपासून लांब असली पाहिजे. स्वयंपाकघराध्ये गॅस नेहमी पूर्व दिशेला असावा. फ्रिज किंवा मायक्रोवेव्ह हे अग्नी कोनात असले पाहिजेत. या गोष्टी वास्तूनुसार शुभ मानल्या जातात.
  • वास्तूनुसार किचनच्या बाहेर किंवा आसपास कधीही पाण्याचं पिंप ठेवू नये. यामुळे नात्यांवर वाईट परिणाम होतो. याशिवाय रेफ्रिजरेटर किंवा गॅससुद्धा कधी खिडकी किंवा दरवाज्याजवळ नसावा. यामुळे घरातली समृद्धी आणि आगीची पवित्रता प्रकृती दरवाज्याने बाहेर जाते.

प्रश्नोत्तरं (FAQ’s)

1. खरंच वास्तूदोष असतात का?

हे अर्थातच तुमच्या मानण्यावर आहे. पण वास्तूशास्त्रानुसार काही गोष्टी तुम्ही फॉलो केल्यास, तुम्हाला त्याचा योग्य परिणाम पाहायला मिळतोय का हे तुम्ही एकदा अनुभव घेऊन पाहा.

2. घरात सुखशांतीसाठी वास्तूशास्रानुसार बदल केल्याने योग्य परिणाम होतात का?

या सगळ्या गोष्टी तुमच्या मनावर अवलंबून असतात. पण हे एक शास्र असतं. त्यामुळे तुम्ही जर या शास्त्रानुसार काही टिप्स फॉलो केल्यात तर तुम्हाला त्याचा परिणाम काय होतोय हे पाहायला मिळेल आणि हा तुमचा स्वतःचा अनुभव असेल.

3. घरातील भांडणं टाळण्याशाठी वास्तूशास्त्रावर कितपत विश्वास ठेवावा?

हेदेखील तुम्ही सर्वतः तुमच्या मनावर अवलंबून आहे. तुमचं घर आधीच तुम्ही व्यवस्थित इंटिरिअर केलेलं असतं. त्यामुळे वास्तूशास्त्रानुसार तुम्हाला त्यात बदल करायचा आहे की नाही हा सर्वस्वी तुमचा निर्णय असेल.

08 Nov 2019

Read More

read more articles like this
good points logo

good points text