सकाळच्या नाश्त्यामधील व्हरायटी म्हणजे लुसलुशीत गरमागरम ढोकळा. हा पदार्थ गुजराती असला तरीही सर्व घरांमध्ये ढोकळा खाल्ला जातो. अनेकदा हा पदार्थ बाजारातून आणला जातो. ढोकळा घरी बनवायचा म्हणजे बाजारातील ढोकळ्याप्रमाणे तो लुसलुशीत होत नाही अशी तक्रार असते. पण असं अजिबात नाही. तुम्हीही घरच्या घरी अगदी चविष्ट आणि बाजारातील ढोकळ्याप्रमाणे मऊ ढोकळा बनवू शकता. यासाठी नक्की कोणत्या ट्रिक्स तुम्ही करायला हव्यात हे आम्ही या लेखातून तुम्हाला सांगणार आहोत. तुम्हीही घरच्या घरी ढोकळा बनवणार असाल तर ढोकळ्याची ही रेसिपी (Dhokla recipe in Marathi) नक्की ट्राय करा. काही जण या ढोकळ्याला खमण ढोकळा (Khaman Dhokla) असं म्हणतात. पिवळ्या रंगाचा हा ढोकळा त्यातील गोडपणा आणि चवीमुळे अगदी लहानांपासून आणि मोठ्यापर्यंत सर्वांनाच हवाहवासा वाटतो. पण बरेचदा याची रेसिपी बिघडली तर तितकासा हा ढोकळा मऊ राहात नाही. त्यामुळे हा ढोकळा कसा बनवायचा ते जाणून घेऊया.
अधिक वाचा – कुरकुरीत रवा डोसा बनवा 10 मिनिट्समध्ये, सकाळचा स्वादिष्ट नाश्ता
ढोकळ्यासाठी लागणारे साहित्य
- 250 ग्रॅम बेसन
- 1 कप पाणी
- पाव कप तेल
- 2 चमचे साखर
- अर्धा चमचा सायट्रिक ऍसिड
- 1 चमचा खायचा सोडा
- पाव चमचा हळद पावडर
- फोडणीसाठी तेल
- 6-7 पाने कढीपत्ता
- 4-5 हिरवी मिरची
- चिरलेली कोथिंबीर
- 2 चमचे मोहरी
- 1 चमचा हिंग
- चवीनुसार मीठ
अधिक वाचा – उरलेल्या पोळ्यांपासून बनवा कुरकुरीत कटलेट्स, 15 मिनिट्समध्ये चविष्ट नाश्ता
कसा करायचा ढोकळा
- सर्वात पहिल्यांदा एका पसरट भांड्यात पाणी घालायचं आणि उकळायला ठेवा आणि मगच ढोकळा करायला घ्या
आता एका बाऊलमध्ये 1 कप पाणी, तेल, हळद पावडर, साखर, सायट्रिक अॅसिड, मीठ एकत्र करून व्यवस्थित फेटून घ्या - आता या पाण्यात बेसन घाला आणि व्यवस्थित फेटून घ्या. त्यानंतर एका छोट्या वाटीत एक चमचा पाणी घेऊन त्यात अर्धा चमचा सोडा घाला. हे पाणी या ढोकळ्याच्या मिश्रणात घाला. अतिशय महत्त्वाची आणि लक्षात ठेवायची गोष्ट म्हणजे यामध्ये अगदी डायरेक्ट सोडा टाका आणि मिश्रण हलवा. हे मिश्रण फेटा आणि पांढरट दिसलं की तुमचे मिश्रण परफेक्ट झाले आहे हे समजा.
- मग ताटात तेल लावा आणि त्यात वरील मिश्रण घाला. ढोकळा साधारण दहा मिनिटं वाफवा
- त्यानंतर फोडणीसाठी 1 टेबलस्पून तेल घेऊन त्यात मोहरी, हिंग, जिरे, कढीपत्ता घालून त्यात दोन टेबल स्पून पाणी टाका आणि ही फोडणी या ढोकळ्यावर ओता. दहा मिनिटानंतर ढोकळ्याचे तुकडे करा आणि चटणीसह खायला द्या
टीप –
तुम्हाला फ्लफी आणि लुसलुशीत ढोकळा हवा असेल तर तुम्ही योग्य प्रमाणाचा वापर करा. तसंच वर ज्याप्रमाणे स्टेप्स दिल्या आहेत तसाच त्याचा वापर करा
ढोकळा करून झाल्यावर तुम्हाला हवं असेल तर वरून ओले खोबरे तुम्ही खवणून घाला. ढोकळ्यासह वरून पेरलेले खोबरे आणि चिरलेली कोथिंबीर अधिक चांगली चव आणते
चटणीसह ढोकळा खाण्यास अधिक मजा येते
अधिक वाचा – सकाळच्या नाश्त्याला निवडा तांदळाच्या उकडीचा झटपट पर्याय
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
